Dzekarya 13:9 - Deduamiti

⁹ Nga ngicngac kpetengina kpadzi mocguacsoc, yeni silwa dzuacgecdeac gerecfu faigec dzeu seuha isinggeandae me gol tobanggegecdeac gerecfu faigec dzeu isinggeandae ifi isocngoc ngicngacfocna gerecfu yonohoma isingyunubesandua. Anu yeni kpacna kpacbesandae, yeni turunga merengyemmebesandua. Amma ngicngacfocna deyemmeba yeneng yofi debesandae, ‘Kebu ye anutunina.’ ” Kebu ye Anutunina.

Dzekarya 13:9 ပူးပေါင်းရင်းမြစ်များ

Mitiyegec 144:15

Ngicngac sasawa Kebuac kenecgoc ifi kecandae, yeni sogac sogainginagoc. Kebungo ngicngac ngeneac Anutungina ande, ngeni kenecnginagoc amma kecgecde.

Mitiyegec 43:4

Ifi anu ni Anutuac aratau kembade. O, sogac sogaitoaac Anutuna, ni gearu kemma gita kpema dengeregubade. O Anutu, ge Anutuna.

Mitiyegec 50:15

ebicnaso hau ngeni ni kpacnugec neng ebicfunac mesingunuba ngeneng ni afenubisia.”

Mitiyegec 91:15

Ye kpacnuu ni turunga meremmibade. Ye ebic witiau kefu ni yegoc kecma ebicfunac mesima eweheihei ammibade.

Danicel 11:35

Amma negen negen irec ireckeagoc goa yeni ifingoc mayunuude. Mayunuu meisingyunugec yacgec dzuac dzuac ua seria meyemmegec kecma naso wisic wisickea hau kongaha nga goctopoha kpac anggecde. Nga nasotoa faifaia imoc febesandengoc.

Danicel 12:10

Anu homac yeni seucngina kpac yombong anggecde nga wonongngina meickegecdeac ua megecde amma kongaha anggecdeac ua megecde. Nga ngicngac ubaherenginau faka mangana arenggema imoc amma kecdae yeneng faka mangana imocngoc amma kecgecde amma yeneng negen negentegec mi megecde. Nga wiac negemma isinggegecdeacsoc andae, yeni imoc negentegecgecde.

Yoele 2:32

Nga damoc yeneng Kebuac kpac kpacgecde, yeni komockpegecde. Imocac Kebungo yofi deec; ngicngac goa Tsion tikiu nga Yerusalaimnu kecdae, yenearu yungecyungec fingerude nga ebic imocngo ine mi memayunuude. Kebungo ngicngac meisingyunuec, yenennoc komockpegecde.

Dzekarya 10:6

Ni yehudahabu meseriyunubade. Amma Yosefac habu ebicfunac mesiyunuma bombangecnginau monggoc dzigenegecdeac wangecyunu hama amatatacngina mengerebesandua. Ni yeneac ubahodung negenganduaeac amma ni monggoc hoangyunuma yeni mi wayunuyai imocac sirihau kecbesandae. Ni Kebu Anutungina kecduaeac nunumungina negemma turunga merengngemmebade amma merengngemmebesandua.

Dzekarya 12:10

Anu neng Dawidac kisic nga Yerusalaimgac ngicngac yenearu danggunuc nga nunumuac asu kpakeyemmebesandua. Anu nembaracnugec, ngic imoc yeni kicnginango nembesandae. Nemma nenggac manggac mong yereac morocmedacngira homeu yeac kiacsonggong angkecdape ifi isoc neac ambesandae. Me nenggac manggac yereng waracmedacngira mong homeu kiacubahodung angkecdape ifi isoc neac kiacubahodungtoa ambesandae.

Dzekarya 8:8

Komoc kpeyemmeba Yerusalaim imohai kecbesandae. Kecma neac ngicngacfocna ammagec ni yeneac Anutu fora nga dindingac kecbesandua.’ ”

Aposoro 2:21

Anu Ngicngac yeneng Kebuac kpac kpacgec Anutungo yeni sasawa kopocsicnginaac ebicfunac mesiyunuu komoc kpebesandae.” ’ (Yle 2:28-32)

Hebiraio 8:10

“Ni ngadeu dzadzahac gboria Isracel areng yenigoc mebesandua, imocac siriha yofi, dedeseriyoacna ngicngac yeneac negen negennu faima kibia imoc herenginau yombong ohobade. Amma neng Anutungina kecba yeneng ngicngacfocna kecgecde.

Yakobo 1:12

Ngic mong faitobannu serima namma ebic tofohoude, ye kenehagoc. Nga ngicngac Anutu songo negemmiandae, yeni kekecac ira yemmeudeac deseriec. Ngic mong ye faitobannu heiserima kefude, ye imocnoc meude.

1 Petoro 4:12

Songo tosofocna, faitobang kpendzengagoc fingecngemmeude, imocac mi kpidohobisia. Nga imoc fingecngemmeude, imocngo faka furia mi ande.

Yohaneac kpefing 21:7

Firang anude, yeng eucererenggac wiac sasawa yomoc meu neng yeac Anutu amba yeng medacna anude.

Yohaneac kpefing 8:10

Amma yeac ngadeau angerongo monggoc trampeha fifiu kurumennunac asomengtoa mong ahakifa isoc dzema fotockema maec. Mama dokutoa nga dokukiwa yenearunac harebecac noboha mocgu (⅓) witinginau heiec.

Yohaneac kpefing 8:11

Asomeng imoc kpara Hodunga. Anu doku yenearunac harebecac noboha mocgu (⅓) imoc hodunga anec. Nga doku hodunga anecac amma ngicngac homacngo homegec.

Yohaneac kpefing 8:12

Nga angero mongngo trampeha fifiec. Fifiu wenac nga afo amma asomeng yeneac kperagiaac kuc imohacnac harebecac noboha mocgu (⅓) kundung kpeudeac meickeec. Meickeu hadzing tofocnac yereac kperagiaac kuc imohacnac harebecac noboha mocgu (⅓) mi fingerec.

Yohaneac kpefing 8:7

Efaigec angero warac warac yeng trampeha fifiu nomang gbomea nga gerec, imoc sacgoc kpeturanggema imocngo fingecma bangecfu maec. Mau bangectoa bangec, imocac tegia harebec imohacnac noboha mocgu (⅓) dzeec nga ic sasawa bangectoa imocac manau nanggec, yenearunac harebecac noboha mocgu (⅓) dzeec amma kpindzing tengging tengging sasawa gerecngo dzedarec.

Yohaneac kpefing 8:8

Nga yeac ngadeau angero mongngo trampeha fifiu tiki kuneng gerehagocngo kondunnu mau kondungtoa tegia harebec imohacnac noboha mocgu (⅓) sac anec.

Yohaneac kpefing 8:9

Anu kondunnu wiac kekecnginagoc kecdae, yenearunac harebecac noboha mocgu (⅓) homedacgec amma wage yenearunac harebecac noboha mocgu (⅓) kpac anggec.