Dzekarya 13:8 - Deduamiti

⁸ Kebungo yofi dede, “Bangec yomocac witiau guruamasoc ngicngac kpetengina kpadzi yohockanggacsoc kecdae imoc meicyunuba kpac ambesandae. Kpadzi mocguac ngicngac yenengsac kecbesandae.

Dzekarya 13:8 ပူးပေါင်းရင်းမြစ်များ

Danicel 9:27

Anu ye sonda mocguac manau dzadzahac mong imoc ngicngacareng homac yenigoc dzegeude. Amma sonda botuhau yeng seseac yang hafoangoc dzeande nga seseac yaka faifai imoc dema meickeu kpac anude. Anu kpedzac kpedzamengic ye wiac faka mangac manganea mi angana yombonggac kpeganga witiau haude. Anu kecma wisic wisickeau memeting bic deserigec imoc yeac witiau hetinggegec ye kpetotiebesande.”

Amosi 9:10

Isracel ngicngacfocna yeneac botucfu damocngo kopocsic meficgemaguc yofi deandae, “Ebictoango feracnunuma naric mi mewegenenunuude,” imoc yeni ngabafocngina yeneac wasaibeannu homedacgecde.

Tsefanya 3:12

Ni Isracel bangecfu ngicngac toseanecsac komoc kpegecdeac meyunuba yeni memaemema yumea kecbesandae. Amma neac kpacnaac debannu sufubesandae.

Malecaki 3:5

Ye yofi dede, “Ni fakangina isinggema desibadeac mewegenengunuduae. Dzinac areng nga kaisero areng amma yoac ikocac hepucareng nga uangicfocngina yeneac uabungngina nobohasac yemmeandae amma hotsecbeging gombunga mi ayemmema memayunuandae nga kuricngicngac yeneac yoacngina ikoc ikoc sicsaucfu demengere angkecdae amma ni mi sesehenuandae, ni bic hama ngeneac hakongina kpebesandua.”

Mataio 22:7

Ifi anggec ngictau ye imoc negemma herebu amma wasaifora sueyunuu kemma ngickpekpengic imoc yunuma taongngina faigec dzeec.

Mareko 13:20

Kebungo naso imoc mi mewegenebac dede ngic mongngo komoc naric mi kpebac. Ngic meisingyunuyunuya, yeneac amma naso imoc bic herec herecgea fede.

Yohaneac kpefing 16:19

Usoc mema taongtoa mendziru harebec anec. Nga ye bangeha bangeha yeneac taong homac hembarackeec. Hembarackeu Anutungo Babilon taong negensiu ngaba nga herebuac waingsokoha miec.