Dzekarya 13:1 - Deduamiti

¹ Kecma nasoya hasikebesandeu Dawidac kisic nga Yerusalaimgac ngicngac yeneac amma dokukiwa gboria mong erema doku imocngo kopocsicngina nga seucfakangina imoc sasawa dzuacdacbesande.

Dzekarya 13:1 ပူးပေါင်းရင်းမြစ်များ

Mitiyegec 51:2

Ni ngicngac ogofocna faka mangana ayemmeai. Ge dzuacnuna kongaha ambesare. Ge kopocsicna medzuacna kongac kpebesare.

Mitiyegec 51:7

Ge babacmeac mema dzuacnuna kongac kpeba dzuacnuna hoeng kongaha feracyunuma kongac ambesare.

Mika 5:12

Nga ngeneac dzinacfaka imoc memanganeba mosoc yoacngina imocngo fora kpahac andacbesande.

Dzekarya 12:14

Ifi ammagec kisiha kisiha yeni ifingoc tembuc tembuc tacma kiacsonggongtoa ambesandae nga enengfocngina yeni ifingoc tembucngoc tacma kiacsonggongtoa imoc ambesandae.

Dzekarya 12:3

Kecma naso debadeu faka meba Yerusalaim taongngo ngiha ngiha yenearu dzamandzing hoc isoc ebira yombong anu miacgecdeac ambibiema yenaocngoc memanganeemebesandae. Memanganeemema bangeha bangeha yeneng kpeturanggema ngaba sikemibesandae.

Yohane 1:29

Wereckengau Yohanengo namma henu Yesungo yearu hau ngicngac yofi edeyunuec, “Henggec, imoc Anutuac ramamedaha, yeng bangectoa bangec imocac ngicngac sasawa yeneac kopocsic meickeude.”

1 Korinti 6:11

Nga ngenearunac ngicngac goango warac ifi kecgec. Ifi kecmagec Kebungo yengena kpacfu nga Anutuninaac Asu yeac kucfu dzuacngunuma dindingac dengemmema kpetiac arennu faingunuec.

1 Petoro 1:19

Ye Kristoac sacngo bummengunuec. Nga Kristoac sac imoc wiac engena yombong, imoc rama medaha mong puringa kpac nga ebiha kpac, yeac sac isoc. (Mke 12:5; 29:1; Sese 22:17-25)

1 Yohane 1:7

Ye kperagiau kecde, ifi isoc nenang kperagiau kecnideu, ureckekec kecnide. Ifi kecmina medaha Yesuac sacngo kopocsicnina sasawa dzuacnemmekefude.

1 Yohane 5:6

Yesu Kristongo dokuu nga sacfu haec. Ye dokuusac mi haec, kpac. Ye dokuu nga sacfu momocngoc haec. Amma Asu ye yoac foraac Asu, imocac amma yeng Yesuac hepuc amma ye dekperagiude.