Dzekarya 12:8 - Deduamiti

⁸ Kecma Kebungo nasoya debesande, naso ihai ye ngicngac Yerusalaim taontoau kecdae, yeni kaso kpeyunuu komoc kpebesandae. Anu yeni kucmama kecdae, naso imohai yeneng kucnginagoc Dawid isoc ambesandae amma Dawidac kisic yeni Anutu isoc anggecde. Amma Kebuac angerongo yehudangicngac waraiyemmec, ye isoc yombong amma waraiyemmebesandae.

Dzekarya 12:8 ပူးပေါင်းရင်းမြစ်များ

Mitiyegec 8:5

Geng ngic negensima meficgema ngicac medac gombunga garenggekecnec, imocac warecguduae. Ye kurumenggac areng yeneac mamea anudeac geng faina kefec. Amma ye kuc kibikperagiagoc kekecac iraya heiminec.

Mitiyegec 82:6

Ni yofi deai, “Ngeni sasawango anutuareng nga Anutu Engenatoa neac medacfocna.”

Makekeng 14:19

Anu Kebuac angerongo isracelhabu waraiyemmekefec, ye tataha wama ngadenginau kemma nanec. Nga hoeng herea ifingoc tataha wama kicnginaunac meickema kemma ngadenginau nanec.

Makekeng 33:2

Ni angerona mong sueba yeng waraigemma kenacanngic Amoringic, hittingic, peridzingic, hiwingic nga yewusingic meicyunuude.

Yoele 3:10

Ngeni bangec hendzic hendzicac aieng kpegec kemema wasaibeang anu nga waing ic memengereac honac beang imoc kpegec kemma sangara ambeso, amma kucmama kecdae yeneng yofi debisia, “Ni dzikacngic kucnagoc!”

Mika 5:8

Anu bangeha bangeha yenearunac Yacakowareng tosea yeneng ngiha ngiha yeneac botucfu kateac wasaiyang yenearunac laiong isoc nga ramahabu yenearunac laiong medaha mong kuchagocngo mesariyunuma mereckperecge meyunumanu mongngo naric mi kasokpeude.

Mika 7:16

Anu bangeha bangeha yeneng imoc hemma kerectegec amma gameyunuu ubangina kuhamaude. Ifi amma yoacngina dugungkpeu kedzacngina kpefonggegecde.

Mika 7:8

Ngabafocna ngeni sogaima tenicfagoc mi anenggec! Ni makpema kundunnu kecduae nga Kebungo kperagina anu monggoc yacbade.

Dzekarya 10:7

Anu Efrayimngic yeni wasaingic kuctoanginagoc amma kecbesandae. Ammanu waindoku nema sogaiandae ifi isoc herenginau ubangerec fingecbesande. Anu nambaracfocngina yeneng Kebungo faka meec imoc hemma sogaima Kebuac ubangerec negembesandae.

Dzekarya 2:5

Imocac Kebungo yofi dede, ‘Ni neannaoc gerecborang isoc dzema taongnginaac oda ambesandua amma neanaoc ihai kecma fingectegecma kibikerengngina ambesandua.’ ”

Dzekarya 9:14

Ammanu witinginau wi sawau Kebu Anutungo fingecyemmema tebemedaha kpesaiu piratac isoc kembesande. Ammanu ye biunga fifima sautfunac firang murayowarec isoc kpefemanu imocac manau habesande.

Dzekarya 9:8

Ni amanaac ageng tima gareng mema kecbare wasaingic yeneng ihaibigeng susung ferecge mi ambisia. Amma areng goa yeneng monggoc mi memayunubisia. Yaguc neannaoc gborikecma gareng mebadenoc.

Malecaki 3:1

Kurumenggac wasaiareng habuya habuya yeneac Kebungo yoac yofi dede, “Negenggec, ni siduc dedena sueba yeng warainemma sinna memengere anudeac habesande.” Anu ngeni Kebu henggecdeac kicfifi anggec yennoc womongau piratac isoc bic habesande. Ngic imoc hembeso negengkecdae ye habesandenoc amma ye dzadzahacac siducdedengic ambesande.

Mataio 1:23

“Negenggec, ngacnaroangngo medac mong kpenanggema meu yeac kpara Imanuere degecde.” (Yes 7:14) Imocac titiha yofi, Anutungo nenanggoc kecde.

Roma 9:5

Nga yeni kisicbangecfocngina negendae, yeneac fingecsaheunac Kristongo ngicsiric amma fingerec. Ye Anutunoc, wiac sasawaac engena. Yearu dedengerec nga dedengerec fekengkecbeso, imoc fora.

1 Timoteo 3:16

Negen negensinninaac hania imoc sufu sufuyau feec: Ye kuneng nga engena yombong, imoc fora. Ye sebiu fingectegerec nga Asungo haniaya dindingac imoc nonongkac mekperagiec. Angero yeneng ye henggec. Ngicngac yeni yeac siduc bangec monnunac ngicngac, yenearu dekperagigec bangec noboc noboc kenu negensinggegec. Ye Anutuac kuc nga kibikperagiau monggoc meemma ihai kecde.

Hebiraio 11:34

Yeni gerecyada kucngina menomanegec. Nga ngabafocngina yeneng wasaibeangngo yunuhomebeso anggec woragec. Yeni kucmama kecgec Anutungo kuc yemmeec. Yeni dzikac kucgoc kpema kuric wasaingic homac kporacyunugec.

Yohaneac kpefing 22:16

Ni Yesungo angerona sueba yeng dedekperagi yomoc kpebung sasawa ngenearu dekperagingemmeudeac haec. Ni Dawidiac sera nga bangeha amma asoacac asomeng kibikperagiagoc.”