Dzekarya 12:4 - Deduamiti

⁴ Naso imohai neng ngabafocngina yeneac becosic sasawa kengec meficgeyemmebesandua amma becosicfu kengkengngicfocngina ubangina mesufuba dabiebesandae nga wasaingic yeneac becosic sasawa kicpisic meyunudacma kicnango yehudahabu yenearubigeng fima gareng mebesandua.

Dzekarya 12:4 ပူးပေါင်းရင်းမြစ်များ

Nehemia 1:6

Ge kicga fima kedzacga nearu faima wanacngicga neng hadzing toforec wanac arengfocga Isracel yeneac amma numuduae, nunumuna imoc negenna. Ni Isracel areng nga mannaac arengfora amma neanna areng sasawa neneac enac mema gearu kopocsic meficgeing imoc hafoangoc deficgedacduae.

Danicel 9:18

Neni kpacsambic amma nunumunina kicgau mehadimbe imoc fakanina dindingacac amma kpac. Geac wosoefactoagaac amma numugendimbe. O Anutuna, kedzac faima yoacna negenna amma kicga fima wiacnina sasawa kpedzac kpedzamea henna. Nga amatoanina geac kpacgaac wase kpacandae imoc garenggena.

Dzekarya 10:5

Amma yeni yenahafocngoc gareng uangina mebesandae. Ngic kuctoanginagoc amma dzikac kpema ngabafocngina gotennu tirusueyunuandae, yeni kuc ifia mekecbesandae. Kebungo yenigoc kecdeac amma yeni dzikacfu firang amma ngabafocngina becosicfu kengkeng game kpekpeu faiyunubesandae.

Dzekarya 12:11

Naso imohai Yerusalaim taontoau kiacsonggongtoa fingerude imoc Megiddo tumiau Hadad-Rimmon bangecfu fingerec imocacsoc fingecbesande.

Dzekarya 12:3

Kecma naso debadeu faka meba Yerusalaim taongngo ngiha ngiha yenearu dzamandzing hoc isoc ebira yombong anu miacgecdeac ambibiema yenaocngoc memanganeemebesandae. Memanganeemema bangeha bangeha yeneng kpeturanggema ngaba sikemibesandae.

Dzekarya 12:5

Ifi ayemmeba yehudangic enarafocngina yeni ubaherenginau yofi negensigecde, ‘Kurumenggac wasaiareng habuya habuya yeneac Kebu yeng Anutunina kecdeac amma Yerusalaim mingina neni kucninagoc andimbe.’

Dzekarya 12:6

Kecma naso debadeu faka meba Yehuda enara yeni gerec dzedzeango gerecguruac manau borangtiande isoc me ahakifango wit dedecac manau borangtide ifi isoc ambesandae. Amma kanaubigeng nga foiubigeng ngic habuya habuya noboc noboc kecdae, yeni memanganeyunudacbesandae. Memanganeyunudacma Yerusalaim mingina yeni Yerusalaim imohainoc monggoc kecbesandae.” Kebungo ifi dede.

Dzekarya 14:15

Amma ngic yenearu ebic fingerude ebic siriha imocngoc becosic, muledonggi kamele, donggi nga yamberec dzikacac kporucamabangecfu kecgec yenearu ifingoc fingecbesande.

Dzekarya 9:8

Ni amanaac ageng tima gareng mema kecbare wasaingic yeneng ihaibigeng susung ferecge mi ambisia. Amma areng goa yeneng monggoc mi memayunubisia. Yaguc neannaoc gborikecma gareng mebadenoc.

Aposoro 17:30

Ngeni warac wiac imoc mi negentegecgecac Anutungo hemma imocac yoara mi deec. Yaguc ine bangeha bangeha ngicngac sasawa ubangina dzigeneudeac demeseri ayemmekecde.