Dzekarya 12:3 - Deduamiti

³ Kecma naso debadeu faka meba Yerusalaim taongngo ngiha ngiha yenearu dzamandzing hoc isoc ebira yombong anu miacgecdeac ambibiema yenaocngoc memanganeemebesandae. Memanganeemema bangeha bangeha yeneng kpeturanggema ngaba sikemibesandae.

Dzekarya 12:3 ပူးပေါင်းရင်းမြစ်များ

Owadya 1:18

Anu Yacakowac areng yeneng gerec isoc anggecde amma Yosefac areng yeneng gerecborang isoc borang tigecde nga Esawac areng yeneng kpindzingmaria dzanggedzangea isoc ammagec Yacakow nga Yosefac areng yeneng dzemusungyunuma yonohodacgec mongngo mong komoc mi kpebesandae.

Mika 5:15

Anu bangeha bangeha ngicngac damocngo eweheihei mi anendae, yeni herebu nga heregerecfu turunga kpouyemmebade.”

Mika 5:8

Anu bangeha bangeha yenearunac Yacakowareng tosea yeneng ngiha ngiha yeneac botucfu kateac wasaiyang yenearunac laiong isoc nga ramahabu yenearunac laiong medaha mong kuchagocngo mesariyunuma mereckperecge meyunumanu mongngo naric mi kasokpeude.

Tsefanya 3:19

Negendae, naso hade, ni naso imohai ngabafocngina memangunugec, yeni memetinggac turung kpouyemmebade. Amma hanimangang mengerengunuma ngunukporac angana imoc monggoc kpedzucngunubade. Kpedzucngunuba bangeha bangeha yeneng game kpekpe angemmegec, imoc heimeremba yeneng ewengina heima dengerengunugecde.

Haggai 2:22

Amma bangec noboc noboc yeneac ngictaufocngina yeneac tatac hetutuckema bangec noboc noboc gawamangnginaac kuc meickeba kuha kpac andarude. Amma keretac nga keretac kisang kisangngic yeni hetutucyunubade. Amma becosic kisang kisangngic yeni becocsicnginau tacma dzikacac beangngo yenaocngoc ewema kpebucemema becosicnginagoc todinggema mayunuude.’

Dzekarya 12:11

Naso imohai Yerusalaim taontoau kiacsonggongtoa fingerude imoc Megiddo tumiau Hadad-Rimmon bangecfu fingerec imocacsoc fingecbesande.

Dzekarya 12:4

Naso imohai neng ngabafocngina yeneac becosic sasawa kengec meficgeyemmebesandua amma becosicfu kengkengngicfocngina ubangina mesufuba dabiebesandae nga wasaingic yeneac becosic sasawa kicpisic meyunudacma kicnango yehudahabu yenearubigeng fima gareng mebesandua.

Dzekarya 12:6

Kecma naso debadeu faka meba Yehuda enara yeni gerec dzedzeango gerecguruac manau borangtiande isoc me ahakifango wit dedecac manau borangtide ifi isoc ambesandae. Amma kanaubigeng nga foiubigeng ngic habuya habuya noboc noboc kecdae, yeni memanganeyunudacbesandae. Memanganeyunudacma Yerusalaim mingina yeni Yerusalaim imohainoc monggoc kecbesandae.” Kebungo ifi dede.

Dzekarya 13:1

Kecma nasoya hasikebesandeu Dawidac kisic nga Yerusalaimgac ngicngac yeneac amma dokukiwa gboria mong erema doku imocngo kopocsicngina nga seucfakangina imoc sasawa dzuacdacbesande.

Dzekarya 14:13

Naso imohai Kebungo mekapa kpeyunuu dabiema yenaocngoc mendangemema ewekpekpe angemebesandae.

Dzekarya 14:6

Anu naso imohai wenackiwa nomanema kuha kpac ambesande.

Mataio 21:44

Nga ngic mong ye hoc imocac witiau maude, ye sebia tegerude. Nga hoc imocngo yeac witiu makpema hedzameu kapuc kpeude.”

Ruka 20:18

Ngicngac sasawa hoc imocac witiau mayunude, yeni sebingina tegerude. Nga hoc imocngo yeneac witiu makpema hedzameyunuu kapuc kpegecde.”

Yohaneac kpefing 16:14

Asu imoc yeni hadehade mangana yombong amma negensinggegecdeac faka kuhagoc meandae. Nga yeneng bangec sasawaac ngictau Anutu kuctoa mingina, yeac uamemetoa, naso imocac dzikacfu kpedzucyunudacgecac yenearu kenggecde.