Dzekarya 12:2 - Deduamiti

² “Ni neannaoc faka mebeso anduae, naso imohai Yerusalaim taong imoc bangec noboc noboc fekende yeneac minggonggac sokoc isoc anude. Ammanu Yerusalaim ama oronggema tidzickema Yehuda bangec hafoangoc ebicfu faibesandae.

Dzekarya 12:2 ပူးပေါင်းရင်းမြစ်များ

Mitiyegec 75:8

Kebungo mariau kpakenec mong menande, imocac manau Anutuac ngabaac waing faifaia, imoc wiac homunagoc yerec yerecgea kporoc tima wake wakea fede. Ye imoc bangecfu kpakedaru ngic Anutu ngadehema mangana megecdeac ayemmeande, yeneng doku mangana imoc hafoangoc nedacgecde.

Dzekarya 14:14

Yehuda yeni ifingoc Yerusalaim imohai dzikac kpegecde. Anu Yehuda bangecgoc bangec wegenac fekende imoc yeneac gol nga silwa amma wamba ebirangoc wangecyunuma kpedzucnegec embesande.

Dzekarya 14:2

Ni, bangeha bangeha Yerusalaim taontoau hama dzikac kpegecdeac heitaiyunubesandua. Heitaiyunuba yeni hama taongngina oronggema mema amangina manau emma iwaingina sicsauc mema ngacfocngina kaiserofaka ayemmema memanganeyunubesandae. Nga Yerusalaimgac mingina areng noboha meyunuma kemma bangec monnu faiyunubesandae. Nga areng noboha yeni wayunugec amabangecnginaungoc kecbesandae.

Yohaneac kpefing 14:10

ye Anutuac ngabaac waindoku seria nebeso. Waing imoc seria yombong dokugoc mi yerec yerecgea yeac ngabaac taseu kpakegec. Kpakemigec, yeng angero kpetiac amma ramamedaha, yeneac kicfu gerec nga sarafa manau kpendzeng kpeude.

Yohaneac kpefing 16:19

Usoc mema taongtoa mendziru harebec anec. Nga ye bangeha bangeha yeneac taong homac hembarackeec. Hembarackeu Anutungo Babilon taong negensiu ngaba nga herebuac waingsokoha miec.

Yohaneac kpefing 18:6

Nga yeng ngeni ngemmeec, ngeni imocac turunga ifi meremmima angammemeyaacsoc naso yohockang amma migec. Nga ye kpakenec yerecgeec, imohai noc wiac tarec negemma ngeneng naso yohockang yerecgemigec.