Dzekarya 12:12 - Deduamiti

¹² Anu bangec imohai kiacsonggongtoa fingecbesande imoc siriha yofi fingecbesande, yeni arengnginasoc tembuc tembuc tacma kiacsonggongtoa ambesandae. Dawidac kisic yeni tembucngina ammagec enengfocngina yeni tembucngina nga Natanggac kisic yeni tembucngina ammagec enengfocngina yeni tembucnginangoc kiacsonggongtoa ambesandae.

Dzekarya 12:12 ပူးပေါင်းရင်းမြစ်များ

Makekeng 12:30

Ifi fingeru Pareco nga enactofoc tofohofora sasawa amma aigitangicngac sasawa yeni tofocnac imohaingoc yacma kiacaroho kuneng anggec Aigitabangec sokodarec. Ama sasawau fareng fedarecac amma ifi fingecdarec.

Yoele 2:16

Anu ngicngac sasawa kpekpedzuc sobenu kpeturanggema yadafocngina nga nambaracfocngina amma sabac namuu kpedzucemebisia. Anu memeturanggac ngicngo ama manaya wau enembingehango ifingoc tataha wabeso.

Dzekarya 12:11

Naso imohai Yerusalaim taontoau kiacsonggongtoa fingerude imoc Megiddo tumiau Hadad-Rimmon bangecfu fingerec imocacsoc fingecbesande.

Dzekarya 12:13

Amma Lewiac kisic yeni ifingoc tembucngina ammagec enengfocngina yeni tembucnginangoc anggecde. Amma Simeciac kisic yeni tembucnginangoc anggecde nga enengfocngina yeni ifingoc tembucngina ambesandae.

Dzekarya 7:3

Amma Kebuac womonggareng nga profete ifingoc yofi kpesiyemmegecdeac kenggec, “Yeni hama womong hembarackegecac neni kifasoc afo kpete faef imohai imoc negensima ubahodunggac yakasege amma kecereing. Ifi isocngoc monggoc naric annide me kpac?”

Mataio 24:30

Imohai Ngicac Medacac soi sawakebangau fingeru bangeha bangeha ngicngac sasawa yeni imoc hemma kiacsonggong anggecde. Ifi ammagec Ngicac Medacngo kurumenggac hoennu kuc nga kibikperagitoagoc hau henggecde.

Ruka 3:31

Eriaking ye Mereaac medac nga Merea ye Menaac medac. Mena ye Matataac medac nga Matata ye Natanggac medac. Natang ye Dawidiac medac

1 Korinti 7:5

Imocac eweeneng ngeri ngeraocngoc sebingira mi segereemebesera. Ngeri naso goausac numuecdeac uba mocgu amma naso dema naric segereemebesera. Nga ngeraoc sebingira garengemeecdeac kuc mi fengecmedeac Satangngo faitobannu faingurubacac ngeri naso wegenanecsac eng kecma monggoc ngerahafoc kecbesera.

Yohaneac kpefing 1:7

Henggec, ye hoenggoc hau ngicngac sasawa yeneng kicnginango hendacbesandae nga sebiau nenesari ammigec, yeni kicnginango ye ifingoc henggecde. Nga bangeha bangehaac areng sasawa yeni ye hemma fagung madzacgoc kiacbesandae. O, imoc fora.