Dzekarya 12:1 - Deduamiti

¹ Kebungo sawa mederema tiameec fede amma bangecac sering faiec nga ngic nenang hereu asu memengere amma faiec, yeng Isracel yeneac negemma profeteyoac yofi deu haec,

Dzekarya 12:1 ပူးပေါင်းရင်းမြစ်များ

Fingec fingec 1:8

Fingeru oda imocac kpara sawa deec. Anu ama toforema wereckenu uameme yohockang anec.

Fingec fingec 2:7

Anu Kebu Anutungo bangectehec mema ngic meec. Mema samahau kekecac asu fifiu kemeu ngic ye ngic kekehagoc anec.

Mitiyegec 104:2

Ngicngac yeneng wamba heiandae, ge ifi isoc kperagiango kperacemema kecnec. Geng kurumenga kurumenga meficyunuma kporucama isoc kpedziyununa fekendae.

Mitiyegec 134:3

Kebungo kurumeng nga bangec meficgeec, yeng Tsionnu kecma kenecgubeso.

Yoele 3:19

Aigita yeneng ine Yehuda ngicngac yenearu kopocsic meficgema hania kpacfu sac kpakegecac amma Aigitango kperemkpesima fekefude amma Idomngo ine kisi fingerude.

Yoele 3:21

Yeni hania kpacfu sac kpakegec, imocac ni turunga kpouyemmebade. Kebu neng Tsionnu nasoya kpac kecduae!”

Dzekarya 9:1

Kebuac yoac yofi haec: Haderak provins manau ngicngac kecdae ngeni yoacnginagoc. Amma ngicngac Dammesek Provinsiu kecdae yoara ifingoc ngeneac witiu tacdengoc. Kebungo Isracelac habu twelf nga ngicngac bangeha bangeha momoc angammemengina imoc hengising angkecde.

Malecaki 1:1

Malecakingo Isracel ngicngac yeneac profeteyoac Kebuarunac mema yofi dema edeyunuec.

Bangec kisiu 16:22

Ifi deu yeri kicmesungirango bangecfu hetutuckema yofi deoc, “O Anutu, gennoc ngicsebigoc sasawa yeneac asunginaac kunengngina. Imocac ngic mocgungo kopocsic meficgeu ngichabu hafoangoc yeneac herebu negennade, imoc mi ngereede.”

Hebiraio 12:9

Amma bangecfu mangfocninango metinnunugec nenang fakangina ifia negensima ewengina heiing. Nga asu yeneac Manggacngo metinnuu yeac yoara monggoc yombong tofohoma kekec mebisina.