Dzekarya 11:14 - Deduamiti

¹⁴ Anu yasuna mong kpara uba mocgu kekec, imoc ifingoc tueyai. Tueba yehudangic nga isracelngic daramuna kekecngina imoc tohoec.

Dzekarya 11:14 ပူးပေါင်းရင်းမြစ်များ

Dzekarya 11:6

Kebungo yofi dede, “Ni bangec yomocac mingina yeneac ubamangang monggoc mi ambade. Negenggec, ni ngeneac tosofocngina nga ngictaufocngina yeneac mariu enggecdeac faingunubade, faingunuba yeneng amabangecngina memanganemagec yeneac mariunac mi mesingunubade.”

Dzekarya 11:7

Ni rama kpehou anganggac areng ebicfu enggec, yeneac gareng anai. Amma yasu yohockang meyuruma monggac kpara danggunucac yasu nga monggac kpara uba mocgu kekec, ifi kpacyuruyai. Ifi kpacyuruma ramagareng anai.

Dzekarya 11:9

Ifi anggec, rama imoc yeni yofi edeyunuyai, “Ni ngeneac gareng monggoc mi kecbade. Homecac areng ngeni naric homegecde. Nga sufu sufuac areng ngeni naric sufugecde. Amma noboha kecgecde ngeni ngenaocngoc kpebucemegecde.”

Mataio 24:10

Nga ngicngac homac yeni negemmangang amma wanuma yenaocngoc ogofocngina ngaba yeneac mariu faiemegecde nga ubango ukuemegecde.

Mareko 3:24

Bangec monggac ngicngac yeni ngaba angemema tohogecdeu bangec imocngo naric mi fekefude, kpac.

Garata 5:15

Nga ngeni ine ngenaocngoc enacngo ingiemema ewekpebuc angemekecma memanganeemebauac garengngina meemebisia.

Yakobo 3:14

Nga ngeni ubaherenginau keracmangang kuneng amma kichodung negemmanganggoc hoanggedaeu ngenang sebingina meemma ikocgoc kecma yoac foraac yoackpekpe mi ambisia.

Yakobo 3:16

Ngeni ubaherenginau keracmangang amma kichodung tusucfaka feudeu ngeni sicsauc kecma memanganeemegecdeac faka hania hania angkecma kecgecde.