Dzekarya 11:10 - Deduamiti

¹⁰ Ifi dema yasuna kpara danggunuc imoc mema tueyai. Tuema bangeha bangeha yenigoc dzadzahac warac anai, dzadzahac imoc herecgeai.

Dzekarya 11:10 ပူးပေါင်းရင်းမြစ်များ

Mitiyegec 50:2

Tsion ye siriha gombunga yombong ande nga Anutungo imohacnac fingectegecma kperagiango nerarannunude.

Mitiyegec 89:39

Ge kingang ngicgagoc dzadzahac menec, imoc wana wisickeu ngictau iraya bangecfu sendunnu ukuna gotengagoc andarec.

Mitiyegec 90:17

Kebu Anutuninaac ubangerecngo semennunubeso. Ge marininaac ua tataha meficgena seria febeso. Fora, ge marininango ua meandimbe, imoc tataha meficgena seria febeso.

Danicel 9:26

Anu sonda 62 imoc wisickeu kerecdokungo nadzicmimia ye herecgegecde nga yeac wiac femiec imoc kpac anude. Amma ngictau monggac ngicngacareng yeneng hama taontoa nga kpetiac womong kpembarackema hesisickedacgecde. Anu dzikac fekemmanu wisic wisickea imoc dokutunggbaung haande, ifi isoc hama wiac kpedzamegecde imoc bic deserigec. Yoac imoc seria febesande.

Dzekarya 11:7

Ni rama kpehou anganggac areng ebicfu enggec, yeneac gareng anai. Amma yasu yohockang meyuruma monggac kpara danggunucac yasu nga monggac kpara uba mocgu kekec, ifi kpacyuruyai. Ifi kpacyuruma ramagareng anai.

Bangec kisiu 14:34

Ngeni wenac foti sufu sufu kengkecma bangec hennegeng angkecgec, ifi isoc wenac mocgu mocguac turunga kifa mocgu mocgu kopocsicnginaac ebic tofohogecde, imoc kifa foti ifi kecgecde. Ifi kecma yofi negentegecgecde, neng marina meickema warac angemmekefai, ifi isoc monggoc mi ambade.’

Ruka 21:32

Foracngoc, ngicngacareng yomoc, yeni mi homemagec wiac yomoc fingecdarude, imoc edengunuduae.