Dzekarya 10:7 - Deduamiti

⁷ Anu Efrayimngic yeni wasaingic kuctoanginagoc amma kecbesandae. Ammanu waindoku nema sogaiandae ifi isoc herenginau ubangerec fingecbesande. Anu nambaracfocngina yeneng Kebungo faka meec imoc hemma sogaima Kebuac ubangerec negembesandae.

Dzekarya 10:7 ပူးပေါင်းရင်းမြစ်များ

Fingec fingec 18:19

Anu yeac esamedacfora nga yeneac esamedacfocngina yeni neac sing modacgecdeac ye imoc edeyunuudeac meisinggeai. Yeni faka dindingac modacma yoacfu faka fora angkecgecdeu ni Awraham yeac wiac deserimiai imocac fora sasawa meficgeyemmebade.”

Fingec fingec 43:34

Ifi tacgec Yosefngo deu yengena tebounac yaka mema yemmegec. Nga goa yeneac mocgu mocgu faima Benyaminggac ine 5 faigec. Anu yeni yegoc yaka nga waingdoku nema songogoc tacgec.

Mitiyegec 102:28

Geac kingang ngicfocga yeneac nambaracfocngina, yeneng geac hoannu kecgec geng esamedacfocngina hoanggau faiyununa yeneng gegoc serima kecgecde.

Mitiyegec 104:15

Ngichereu ubangerec fingerudeac waing meficgenec nga ngicngac kicsiricnina pirac pirac anudeac geng kerec meficgenec. Amma ngicngac herengina kucgoc anudeac yaka meficgema yemmenec.

Mitiyegec 13:5

Geng yoac dedzege amma imoc modackecnecac negenseriguma kecduae. Geng ebicfunac mesinunecac amma ni heregoc geac desogai angkecduae.

Mitiyegec 28:7

Kebu ye kucna nga kasona anu herenango ye negenserima kefude. Ye meficnuu herenango sogaiu ubangerecac yegec heimibade.

Mitiyegec 33:21

Neni yeac kpara kpetiac negenserima kecnideac hereninango yearu sogaima kecde.

Mitiyegec 90:16

Geng ua mekecnec, imoc kingangngicfocga nenearu didiu edzacnunuma kucga damu damuyagoc imoc esamedacfocninango hembisia.

Yoele 2:23

Tsionggac ngicngac ngeni Kebu Anutungina yearu sogaibisia. Ye monde mondea mi fedeac amma kpeacac kiasisic ebiriangoc suede nga asomoronggac kia ngemmekecde kia imocac nasongirango warac fekefec, ifi isoc.

Tsefanya 3:14

Isracel ge sogaibesena nga Yerusalaim mingina ngeni ubangerectoa negembisia amma Tsionggac ngicngac ngeni onghoriangtoa ambisia.

Dzekarya 12:8

Kecma Kebungo nasoya debesande, naso ihai ye ngicngac Yerusalaim taontoau kecdae, yeni kaso kpeyunuu komoc kpebesandae. Anu yeni kucmama kecdae, naso imohai yeneng kucnginagoc Dawid isoc ambesandae amma Dawidac kisic yeni Anutu isoc anggecde. Amma Kebuac angerongo yehudangicngac waraiyemmec, ye isoc yombong amma waraiyemmebesandae.

Dzekarya 9:15

Kurumenggac wasaiareng habuya habuya yeneac Kebungo agengngina tiu yeni tacbang kperec kperecgengic haningina bageau faiyunuma firang ambesandae. Firang amma minggongngic arohoandae ifi isoc arohobesandae. Amma sacngo sesememeac sokocfu wakeu kpetinggegec arata baiha nadzicmiande, ifi isoc ngabafocngina yeneac sacnginango sebinginau sokoma nadzicngemmedacbesande.

Dzekarya 9:17

Anu bangec imoc bangeckereng danggunuhagoc ambesande. Amma nenesemenga amma waindokuya gbori imocngo medacfocngina amma naroangfocngina nanggeyunuu gunurebesandae.

Ruka 1:47

Anutu memengerecna, ongaasunango geac amma sogaide.

Yohane 16:22

Ngeni imocacsoc yaguc ubaebicgoc kecdae. Amma monggoc ngenemba imohai ngeni ubangerec negemma sogaigec ngic mongngo sogac sogaingina imoc naric mi meickeude.

Aposoro 13:33

imoc Yesu megboriu nambaracfocngina nenannu fora fingeru imocac siduc gombung edengunuandimbe. Imocacnoc Mitiyegec nadung yohockang, imohai yoac yofi oho ohoya fede, ‘Ni yagucnoc megudua. Ge medacna nga ni geac Mangga.’ (Myeg 2:7)

Aposoro 2:26

Imocac ubaherenango ubangerec negemma nedzarannango sogaiu sebina ifingoc ruaegoc anude.

Aposoro 2:39

Nga dedeseriyoac imoc ngenang nga nambaracfocngina amma hereau kecdae, Kebu Anutuninango kpacngunuma heitaingunuudesoc, ngeni naric megecde.”

Firipi 4:4

Ngeni nasosoc Kebuaru kpeketahema kecma sogac sogaigoc kecbisia, monggoc deduae, ngeni sogac sogaigoc kecbisia.

1 Petoro 1:8

Ngeni ye kicnginango mi henggec amma sifu yeac songo negendae. Nga yofinenggac ye mi hengandae amma ngeni sifu ye negensinggegecde. Amma ngeni ye negensinggegec, yeng ubaongangina kopocsicac ebicfunac mesingemmeu ngeni komoc kpebesandae. Ngeni imoc negensima sogac sogai ebiriangoc amma kecdae.