Dzekarya 10:6 - Deduamiti

⁶ Ni yehudahabu meseriyunubade. Amma Yosefac habu ebicfunac mesiyunuma bombangecnginau monggoc dzigenegecdeac wangecyunu hama amatatacngina mengerebesandua. Ni yeneac ubahodung negenganduaeac amma ni monggoc hoangyunuma yeni mi wayunuyai imocac sirihau kecbesandae. Ni Kebu Anutungina kecduaeac nunumungina negemma turunga merengngemmebade amma merengngemmebesandua.

Dzekarya 10:6 ပူးပေါင်းရင်းမြစ်များ

Mitiyegec 89:21

Ifi anu marinango ye nasoya nasoya nanggema marinaac kucngo meseribade.

Owadya 1:18

Anu Yacakowac areng yeneng gerec isoc anggecde amma Yosefac areng yeneng gerecborang isoc borang tigecde nga Esawac areng yeneng kpindzingmaria dzanggedzangea isoc ammagec Yacakow nga Yosefac areng yeneng dzemusungyunuma yonohodacgec mongngo mong komoc mi kpebesandae.

Mika 4:13

“O Yerusalaimgac ngicngac, ngeni yacma tidzameyunugec. Ammanu neng baic serigbanggbanggea nga sepatoga aieng sacsac ngemmeba imocngo bangeha bangeha nendzicyunugec kapickapic anggecde.” Amma ngeni ngabafocngina yeneng dzikacfunac wiac damoc medacgec, imoc mema Kebu midacbisia. Nga ngabafocngina yenearunac dzofinac megec imoc ifingoc Kebu midacbisia.

Mika 4:6

Kebungo yofi dekperagide, “Naso imohai ngicngac haningina mangana meyunubade. Nga ngic witicuau kengkena yeni kpedzucyunuma ngicngac ebicac kpendzennu faiyunuyunuya, yeni hafoangoc wangecyunu habesanduae.

Mika 5:3

Ifiac amma Isracelngo kebuac ubangadeau kecmanungoc ngacnaroang monggac medac meme naso haude. Anu dacmunacfora tosea Isracelareng yeneng yearu monggoc dzigenema tahockedacbesandae.

Mika 5:8

Anu bangeha bangeha yenearunac Yacakowareng tosea yeneng ngiha ngiha yeneac botucfu kateac wasaiyang yenearunac laiong isoc nga ramahabu yenearunac laiong medaha mong kuchagocngo mesariyunuma mereckperecge meyunumanu mongngo naric mi kasokpeude.

Mika 7:16

Anu bangeha bangeha yeneng imoc hemma kerectegec amma gameyunuu ubangina kuhamaude. Ifi amma yoacngina dugungkpeu kedzacngina kpefonggegecde.

Dzekarya 1:16

Meficgeyemmegec ni Yerusalaimgac ubamangangtoa negemma monggoc dzigeneduae. Dzigeneba womonna monggoc heigborima megecde amma Yerusalaim taongtoa monggoc miacma gununggegec nanudeac yeni kpetememe witicnginagoc bangec yerecgema bangecac kpetea megecde.’ ”

Dzekarya 10:12

Ni neanna kpacfu kuc yemmema meseriyunuba yeni neac kpacfu sing kembesandae. Imoc Kebuac dede.

Dzekarya 13:9

Nga ngicngac kpetengina kpadzi mocguacsoc, yeni silwa dzuacgecdeac gerecfu faigec dzeu seuha isinggeandae me gol tobanggegecdeac gerecfu faigec dzeu isinggeandae ifi isocngoc ngicngacfocna gerecfu yonohoma isingyunubesandua. Anu yeni kpacna kpacbesandae, yeni turunga merengyemmebesandua. Amma ngicngacfocna deyemmeba yeneng yofi debesandae, ‘Kebu ye anutunina.’ ” Kebu ye Anutunina.

Dzekarya 8:11

Nga ni yaguc yehudahabu toseanec komoc kpema kecdae, yeni warac ngaba ayemmeai isoc monggoc ngaba mi ayemmebesandua.

Dzekarya 9:16

Naso imoc Kebu Anutunginango ngicngacfora komoc kpeyemmeudeac naso amma rama isoc yenenggareng ayemmebesande. Anu yeni ira witiau hoc buma kunengngo pirac pirac amma kperagiande, ifi isoc kperagima bangeha mekperagibesandae.