Dzekarya 10:5 - Deduamiti

⁵ Amma yeni yenahafocngoc gareng uangina mebesandae. Ngic kuctoanginagoc amma dzikac kpema ngabafocngina gotennu tirusueyunuandae, yeni kuc ifia mekecbesandae. Kebungo yenigoc kecdeac amma yeni dzikacfu firang amma ngabafocngina becosicfu kengkeng game kpekpeu faiyunubesandae.

Dzekarya 10:5 ပူးပေါင်းရင်းမြစ်များ

Mitiyegec 18:42

Ni kpedzameyunuba yeni sendung firangngo mefiranggeande, ifi isoc anggec. Ni sinnu goteng isoc meicyunuma ngadeau ukuyunuai.

Mitiyegec 20:7

Ngic goa yeni dzikacac keretac negenggec wiac engena anu yoac homac osogecde. Nga goa yeni becosiac negenggec wiac engena anu yoac homac osogecde. Nga nenang Kebu Anutuninaac kpac kuneng negenserima negenni wiac engena ande.

Mitiyegec 33:16

Ngictau ye yengena wasai ngichabu yeneac kucfu dzikacfu firang naric mi anude nga wasaingic ye yengena kucfu ngaba yeneac mariunac naric mi woraude.

Mitiyegec 44:5

Ngabafocnina yeneng wegenac hagec neni geac kucfu igocyununi worama kenggec geac kpacfu ngabafocnina tidzicyunuma memayununide.

Mitiyegec 45:3

O Firangngic kucgagoc, ge ngictauac kuc nga kibikperagigagoc kecnec. Ge dzikacac soega kebanggau dzegema dzikacac efaina.

Amosi 2:15

Anu tebengic yeneng serima naric mi nanggecde nga ngic sing gereagoc tiandae yeneng naric mi woragecde amma becosi kisang-kisangngic yeneng kekecngina naric mi onggonggegecde.

Mika 5:8

Anu bangeha bangeha yenearunac Yacakowareng tosea yeneng ngiha ngiha yeneac botucfu kateac wasaiyang yenearunac laiong isoc nga ramahabu yenearunac laiong medaha mong kuchagocngo mesariyunuma mereckperecge meyunumanu mongngo naric mi kasokpeude.

Mika 7:10

Anu ngabafocnina yeneng imoc hemma gamengo mebucyunuude. Yeni “Kebu Anutuga damoc.” Dekecgecac, kicnango yenembare makpegecde. Yeni hania bageau makpegec singtoaac singbisihau goteng isoc tipatangyunuude.

Haggai 2:22

Amma bangec noboc noboc yeneac ngictaufocngina yeneac tatac hetutuckema bangec noboc noboc gawamangnginaac kuc meickeba kuha kpac andarude. Amma keretac nga keretac kisang kisangngic yeni hetutucyunubade. Amma becosic kisang kisangngic yeni becocsicnginau tacma dzikacac beangngo yenaocngoc ewema kpebucemema becosicnginagoc todinggema mayunuude.’

Dzekarya 12:4

Naso imohai neng ngabafocngina yeneac becosic sasawa kengec meficgeyemmebesandua amma becosicfu kengkengngicfocngina ubangina mesufuba dabiebesandae nga wasaingic yeneac becosic sasawa kicpisic meyunudacma kicnango yehudahabu yenearubigeng fima gareng mebesandua.

Dzekarya 12:8

Kecma Kebungo nasoya debesande, naso ihai ye ngicngac Yerusalaim taontoau kecdae, yeni kaso kpeyunuu komoc kpebesandae. Anu yeni kucmama kecdae, naso imohai yeneng kucnginagoc Dawid isoc ambesandae amma Dawidac kisic yeni Anutu isoc anggecde. Amma Kebuac angerongo yehudangicngac waraiyemmec, ye isoc yombong amma waraiyemmebesandae.

Dzekarya 14:13

Naso imohai Kebungo mekapa kpeyunuu dabiema yenaocngoc mendangemema ewekpekpe angemebesandae.

Dzekarya 14:3

Ifi fingecmanu Kebungo yacma warac dzikac kpekefec ifi isoc kpema ngic habuya habuya yenigoc ewekpekpe ambesande.

Dzekarya 9:13

Ni Yehuda tebenaac gurutu isoc tiba kemebesande nga Efrayimngo tebemedaha isoc ambesande. Ni Tsionggac medacfora demeefai ayemmeba yeni wasaibeang isoc ammagec fenggeyunuba grikngic medacfocngina yunubesandae.

Mataio 28:20

Nga neng yoac sasawa dederecge angemmekefai, ngeni imoc hafoangoc modacdacgecdeac kpouyemmebisia. Amma negendae, ni wenaha wenaha ngenigoc kecbare naso wisickebesande.”

Mataio 4:3

Ifi anu faitobang ngicngo yearu hama deec, “Ge Anutuac Medac fora kecnecfu hoc yomoc dena meremma ic sogong anu.”

Ruka 24:19

Ifi deu yeng deec, “Noc faka fingecdac?” Ifi deu yereng edeoc, “Yesu Nadzaretenac yearu faka fingerec. Ye profete mong amma Anutu nga ngic yeneac kicfu yoac deec nga faka sasawa meec, imoc kuhagoc yombong anec.

Aposoro 18:24

Naso imohai Efeso taonnu yudangic mong haec, kpara Aporo. Ye Aresandria taonnu fingecma kibiamatoa mesima mitikibiu yoac oho ohoya feec, imocac hania negentegecdarec.

Aposoro 7:22

Yadiu Farao ngicfora yeneng aigitangic yeneac faka nga negen negeng kpoumigec negentegecma kecma wiac deme anu kuhagoc anec.”

2 Korinti 10:4

Tebemariku dzikacac wiac mekecdimbe, imoc bangecfunac kpac. Imoc Anutuarunac amma imoc kuhagoc anu neneng imoc mema manganaac odasongngina hembarackema negen negengngina ikoha meickenide.

2 Timoteo 4:17

Ni siduc gombung bangec monnunac ngicngac Anutu mi negemmidae, yenearu dekperagima mesibadeac Kebungo nigoc namma kuc nemma laionggac enacfunac onggonnuma mesinuec.

2 Timoteo 4:7

Dzikac gombunga kpema bic mesiai. Amma ngic firang anggecdeac nedziandae, ifi isoc hafoa nedzima bic mesiai nga negen negensinna seria mekecma mi ukuba kpeec.

Yohaneac kpefing 19:17

Hemba angero mongngo wenac manau namma enacudumeng kunengngo arohoma neng sasawa sawakebangau kpututuckeandae, yeni yofi edeyunuec, “Ngeni kpedzucnema Anutuac yakatoau hama