Dzekarya 10:12 - Deduamiti

¹² Ni neanna kpacfu kuc yemmema meseriyunuba yeni neac kpacfu sing kembesandae. Imoc Kebuac dede.

Dzekarya 10:12 ပူးပေါင်းရင်းမြစ်များ

Fingec fingec 24:40

Ifi deba yeng yofi dema edenuec, ‘Ni Kebuac kicfu kecerema kecduae imocac yeng angeroya sueu gegoc kecma singga foragoc anudeac meficguu arengfocna nga mannaac amaunac medacnaac enema mong naric meficgenade.

Fingec fingec 5:24

Kengkecma Anutugoc wegenac yombong kemma yenigoc monggoc mi kefec. Imoc yofiac Anutu yengenaoc ye meec.

Mika 4:5

Bangeha bangeha yeneng anutufocngina yeneac kpacfu kecgecde. Nga nenang ine Kebu Anutunina yeac kpacfusac nasoya nasoya kecbesandimbe.

Dzekarya 10:6

Ni yehudahabu meseriyunubade. Amma Yosefac habu ebicfunac mesiyunuma bombangecnginau monggoc dzigenegecdeac wangecyunu hama amatatacngina mengerebesandua. Ni yeneac ubahodung negenganduaeac amma ni monggoc hoangyunuma yeni mi wayunuyai imocac sirihau kecbesandae. Ni Kebu Anutungina kecduaeac nunumungina negemma turunga merengngemmebade amma merengngemmebesandua.

Dzekarya 12:5

Ifi ayemmeba yehudangic enarafocngina yeni ubaherenginau yofi negensigecde, ‘Kurumenggac wasaiareng habuya habuya yeneac Kebu yeng Anutunina kecdeac amma Yerusalaim mingina neni kucninagoc andimbe.’

Efeso 6:10

Desima deba, ngeni Kebuaru heiserigec kuctoayango ngenearu ferecgema feu kucgoc kecbisia.

Firipi 4:13

Kuc minginango negennemmanu wiac sasawa imoc naric andacbade.

Kolosai 2:6

Ngeni Yesu Kristo Kebungina mema ubaherenginau faima hoanggegec, imocac sirihau ngeni ye modacma kecbisia.

Kolosai 3:17

Ngeni wiac sasawa degecde me anggecde, ngeni imoc Kebu Yesuac kpacfu ambisia. Amma ngeni ye negensima Manggac ubangerec edebisia.

1 Tesaronike 4:1

Tosofocnina, neni Kebu Yesugoc kpeketahema negen negengngina miacnideac goroyoac yofi torokpema monggoc dedimbe. Anutungo ngenenu ngereeudeac ngeni yeac sing modacbisia. Ngeni yofinenggac ifi kecdae nga imocngo botucnginau yadiseri ambeso.

2 Timoteo 2:1

Medacna, Yesu Kristoac danggunucngo meseriguu kucgoc kecbesena.