Dzekarya 1:19 - Deduamiti

¹⁹ Anu angero nigoc yoacyoac anec ye baic neackpac yenenai yeneac hania edenuudeac kpesimiai. Kpesimiba yofi edenuec, “Baic neackpac imoc yenennoc Yehuda nga Isracel amma Yerusalaim kpetotieyunugec singsararang kpegec.”

Dzekarya 1:19 ပူးပေါင်းရင်းမြစ်များ

Mitiyegec 75:4

Ngic yeni yenanggac negenggec wiac engena anu yoac homac osoandae, yeneac yofi debade, “Ngeni ngenanggac negenggec wiac engena angkecde, yoacngina imoc wadacbisia.” Nga ngicngac Anutu ngadehema mangana megecdeac ayemmeande, yeni yoac yofi edeyunubade, “Ngeni kucngina mi miacbisia.

Mitiyegec 75:5

Ngeni kucngina wi kurumennugeng miacma ubangina meemma yoackpekpe kpeandae, faka imoc wadacbisia.”

Danicel 12:7

Anu ni kedzac kpema ngic wamba linenkporucngo memea heima dokuac witiau wi sawau nanecmoc yoara negemba yeng maria foiya nga kanaya kurumennubigeng miacma deserima Kebu kecengkecbesande yeac kpara kpacma yofi deec, “Naso mocguacsoc nga naso yohockang nganoc nga naso noboha wisickeu ngicngacareng kpetiac yeneac maringinaac kuc monggoc mi kpedzamegecde, imohai imoc sasawa mesidacgec wisickeude.”

Danicel 7:16

Ifi anu nanggec yenearunac mong yeac wegenac kemma wiac imocac hania fora yombong dekperaginenudeac kpesimiai. Kpesimiba imoc sasawa negentegecbadeac sirihau dekperagima edenuec.

Amosi 6:13

Damoc ngeni Lo-Debar taong mema sebiengenggoc sogaima degec, “Neni nenang kucfu Karnaim mi meing me?”

Dzekarya 1:18

Anu ni kpehengaima onga mong monggoc henai imoc baic 4ac onga henai.

Dzekarya 1:21

Edzacnuu yofi kpesimiai, “Yeni noc ua megecdeac hama nandae?” deba yeng yofi deec, “Baic neackpac imoc yeni ngaba, yeneng yehudahabu kpetotieyunugec sinsararang kpema kucmama amma orucngina miacma yacgecdeac ambibiegec. Imocac aiengmemengic neackpac yeneng, bangec goango yehudahabu baicngo yeneregec singsararang kpegec, yeni kengec meficgeyemmema yeneac baic imoc kpetackegecdeac hagec.”

Dzekarya 1:9

Yenemma yofi kpesimiai, “Kunenna, becosic imoc yeneac hania dena negemba.” Deba angero nigoc yoac deec, yeng yofi edenuec, “Imocac hania edzacguba hembesena.”

Dzekarya 2:2

Anu hemma yofi kpesimiai, “Ge dahai kennade?” deba yofi deec, “Ni kemma Yerusalaim bangecac hereaya nga wegenaha dafi fede, imocac witic taima kpetea hennegeng ambade.”

Dzekarya 8:14

Amma Kebungo torokpema yofi deec, “Esangabo nga bangecfocngina yeneng herebu meficgenengkecgec naso imohai memanganeyunubadeac negengareng angkefai imoc mi wakefai.