Danicel 5:2 - Deduamiti

² Amma ye imoc nehemma dederecge ayemmema yofi anggecdeac deec. Yeac mama Newukadnetsar, yeng warac Yerusalaimgac kpetiac womong imohacnac kpakenec gol nga silwango memea mehaec, imoc mehagecdeac edeyunuu mehagec. Mehagec ngictau nga ngickunengfora amma enengfora nga ngacfora tosea yeni kpakenec imohai negecdeac deec.

Danicel 5:2 ပူးပေါင်းရင်းမြစ်များ

Danicel 1:2

Nga ewegec Kebungo yehudaarenggac ngictau Yehoyakim ye nga Anutuac womonnu kpakenec nga teragedanga goa momoc mariau fau yeng imoc mema Sinecar bangecfu mekemma imoc yengena anutuyaac amau finactoayaac tohonnu faiec.

Danicel 5:23

Ge ine geanggaac negenna engena anu kurumenga kurumengaac kunenga kecde, ye wiac mamea, ifi negennec. Ifi negemma kpakenec nga teragedanga yeac amaunac megec, imoc gearu mehagecdeac edeyununa ngickunengfocgagoc nga enengfocga amma ngacfocga tosea yenigoc imohai waindoku nedau. Ifi nema kecma anutu nga nemuongangina silwa, gol, aieng sacsac, aiengtehec nga ic amma hocngo memea dengereyunuma eweheiyemmedau. Nga nemuonga imoc ifia yeni kicnginango wiac mong naric mi henggecde nga kedzacnginango wiac mong naric mi negenggecde amma yeni negen negengngina kpac, ge wiac imoc eweheiyemmema kecnec. Anu asutaitaiga yombong imoc Anutuac mariau tacde amma angammemega sasawaac mingina nga kunenga, ye ine mi dengerema eweheihei ammiannec.

Danicel 5:18

O ngictau, Anutu Engenatoango eucerereng, ngickunengkekec nga eweheihei nga kibikperagi amma ngictaukekec mangga Newukadnetsar miec.

Danicel 5:13

Anu Danicel ngictauac kicfu wangec hagec ngictaungo yoac yofi dema edeec, “Ge Danicel, mannango ngictau kefec imohai ngicareng Yehudabangecfunac wangecngunu hagec, ge ngic imoc yenearunac mong.

Danicel 5:11

Ngic mong eucererenggau kecde ye anutu kpetiac yeneac asugoc kecde. Nga geac manggaac nasou negen negeng irec ireckea nga negengising amma negen negentegec imoc anutu yeneac negen negentegec isoc ngic yearu meficgegec. Ifi meficgema mangga Newukadnetsarngo Danicel meisinggema kpefingdedengic nga ngic asu hania hania meicyunuandae amma kasedingic nga ngic asomeng yenemma kpefing deandae imoc yeneac enarangina anudeac uayoac miec.

Danicel 5:4

Anu waindoku nema naso imohaingoc anutungina gol, silwa, aieng sacsac, aieng nga ic amma hocngo memea imoc dengereyunugec.

Bangec kisiu 7:79

Anu ye sese yofi faiec, tera mong silwango memea mehama faiec, imocac ebiha shekelkpete 130 anec. Amma ye sokoc mong silwango memea faiec, imocac ebiha shekelkpete sewenti anec. Kpete imoc kpetiac amaac shekelkpeteac sirihau memea. Nga seseac yakaac negemma terau nga sokocfu wit uha gombunga yombong kerecdokugoc yerec yerecgea imoc wake wakea taroc.

Danicel 5:3

Deu kemma kpakenec golngo memea warac Yerusalaim taontoau Anutuac kpetiac womonnunac mehaec, imoc mehagec. Mehagec ngictau yengena nga ngickunengfora amma enengfora nga ngacfora tosea yeni kpakenec imohai negec.

Danicel 5:30

Anu tofocnac imohaingoc kadesingic yeneac ngictau Belesatsar kpehomegec.