Danicel 11:3 - Deduamiti

³ Anu ngictau mong kuhagoc yombong yeng fingecma ereude. Ye kuctoayagoc amma eucererenga garenggeude amma wiac hania hania songeaac arennu angkefude.

Danicel 11:3 ပူးပေါင်းရင်းမြစ်များ

Danicel 11:16

Notbangecac ngickuneng ye hama yegoc eweude. Amma ye faka hania hania songeaac arennu ammiu mongngo ye naric mi hedzickema nanude. Ye bangeckereng imohai hama namma mariango wiac hafoangoc kpedzamebesande.

Danicel 11:36

Anu ngictaungo songea modacma faka hania hania mema kecma anutu sasawa eyemmedacma anutu yeneac Anutu ifingoc emmi emmiyoac warac mi negen negena deude. Anu wiac fingerudeac dedea imoc fingecbesande imocac amma ye wiac hania hania meude imoc sasawa fingerude. Anu kecma herebuac nasoya wisickeude.

Danicel 4:35

Ngicngac bangeha bangeha kecdae yeni sasawa sendungsac, ifi isoc negende. Ye kurumenggac wasaiareng negenu naric ande ifi isoc ayemmeude. Ye bangecfu kecdae yeni ifi isocngoc ayemmeude. Mongngo yeac maria naric mi hedzickeude nga mongngo yofi naric mi kpesimiude, ‘Ge nocac faka ifi andang?’ ”

Danicel 5:19

Miu ngickunengkekec imocngo Ngicngac bangeha bangeha kecdae nga bangecareng sasawa amma yoacga yoacna sasawa yeni ayemmeu yeac kicfu dzonongngina fedeu kengectoanginagoc anggec. Ye ngic mong kpehomebeso negenec ye kpehomeec nga monggac negenu ngereeu ye naric kefude deec amma monggac negenu naric anu miarec nga monggac negenu naric mi anu memaec.

Danicel 7:6

Imocac witiau yang mong imoc leopard isoc henai nga ye kpeganga noboc noboc neackpac femiec. Ye oruha neackpac amma ye ngictau amma wiac garenggeudeac kuc migec.

Danicel 8:21

Nga noningngiwa dzotoayagoc imoc ye Yawan ngictau nga baiha kuneng kiwaac botucngirau ereec imoc bangec imocac ngictaungina warac warac kefec.

Efeso 1:11

Ye areng imoc bicngoc negensima yeac amma eucererenga menideac negengising anemmeec. Ye wiac sasawa ubeau feec, imoc fora fingecbesandeac ifi arenggeec.

Yakobo 1:18

Anutu ye songoya nga negen negenaac amma yoac forau yeac nambaracfora fingering kecdimbe. Yeng deu wiac sasawa bangecfu fingecdarec, imocac buma heihei annideac ifi anec.