Bangec kisiu 9:23 - Deduamiti

²³ Kebungo deu yeni kporucamangina kpedzigec enu guru mema tackenggec amma monggoc deu yeni efaima yacma kporucamangina meickema bangec imoc wama kengkecgec. Yeni Kebuac enac tofohogec nga yeng Mose dederecge ammiec, imoc tofohoma ifi angkecgec.

Bangec kisiu 9:23 ပူးပေါင်းရင်းမြစ်များ

Fingec fingec 26:5

Imoc yofiac, Awraham ye dederecgeyoacna negemma modackefec nga nonoyoacna nga singyoacna amma dedeseriyoacna sasawa negemma tofohodarecac ifi ambade.”

Mitiyegec 107:7

sing wegenacfu wangecngunu kengkecma taong nga amabangec gombunga meficgengemmeu ihai kecgec.

Mitiyegec 73:24

Ge dederecgeyoac nemma garennukecna wisic wisickeau goiheihei anemma heitainuma hoannunade.

Makekeng 17:1

Kebungo Isracel dederecge ayemmeu Isracelkpebung hafoangoc yeni Sin bangec kisi wama feyac kengkecma Refidim imohai sikema imohai kporucamangina taigec enu guru megec. Amma imohai doku mong mi feecac ngicngac yeni doku nebeso hofocgec.

Dzekarya 3:7

“Kurumenggac wasaiareng habuya habuya yeneac Kebu yeng yofi dede, ‘Ge neac sing modacma uayoac genggena imoc menadeu neac womonnaac gareng faiguba womonnaac manau wiac sasawa fedacde imocac gareng kecnade. Amma kurumenggac areng yoc nandae, yeneac botucfu geac kengha ifingoc feude.

Bangec kisiu 10:1

Kebungo Mose yoac yofi edeec,

Bangec kisiu 10:13

Nga Kebungo Mose dederecge ammiu yeni enara tofohoma naso hanac hanaheau efaima yacma kporucamangina meickema bangec imoc wama kenggec

Bangec kisiu 9:19

Nga hoengngo kporucwomong witiau naso herea takefec isoc, imohai Isracelngicngac yeni Kebungo dederecge ayemmeec imoc negemma yoara tofohoma bangec imoc mi wama kengkecgec.