Bangec kisiu 9:13 - Deduamiti

¹³ Nga ngic mong ye Kebuac hehenu kongaha kecma onggoc onggongge nasotoa eng wama mi tarude me bangec hereau mi kenude nga sifu onggoc onggongge nasotoa mi tarudeu, ye ngicngacareng tosofora yeneac botucfunac meickebisia. Ye naso dedeau Kebusese mi memiecac ifi ammigec yengenaocngoc kopocsihaac turunga tofobeso.

Bangec kisiu 9:13 ပူးပေါင်းရင်းမြစ်များ

Fingec fingec 17:14

Anu ngic mong sebia tosea mi herecgema eng kefudeu ye habufora yenearunac meickebesonga. Imoc yofiac, ye neac dzadzahacna kpede.”

Makekeng 12:15

Nga ngeni icsogong aenga kpac nema kecmagec wenac kpete sewen wisickebeso. Wenac uameme kpete mocgu imohaingoc uha dokugoc yerec yerecgea aengagoc imoc amanginaunac meickebisia. Imoc yofiac, tembuc tembuc sasawa ngenearunac mongngo wenac kpete mocgunac kemma wenac kpete sewen imohai wiac aengagoc neudeu ye isracelhabuunac meickegec ngadeau kemebeso. Yoac imocngo dederecgengina amma feengkecbeso.

Makekeng 12:19

Nga amanginau uha dokugoc yerec yerecgea aengagoc mong mi tacmanu wenac kpete sewen ambeso. Ngicngac tembuc tembuc sasawa ngenearunac kuric me bangec mingina mongngo wiac aengagoc neudeu ye meickegec Isracelkpebung ngeneac ngadeau kemebeso.

Makekeng 12:47

Isracelkpebungtoa hafoangoc ngeni yoac imoc modacbisia.

Makekeng 30:33

Nga ngic mong ye kerecdoku mong ifia isoc yerecgema ngic mong yeac mi dedeau hosoudeu, ye arengfora yenearunac meickebeso.’ ”

Makekeng 30:38

Nga mong ye yengenaoc wiac homunagoc eng negenudeac ifia isoc meudeu ye arengfora yenearunac meickebesonga.”

Bangec kisiu 19:13

Amma ngicngac mocgu mocgu sasawa yeni ngicngac homemea yeneac fareng kpeseregec yeni Kebuac hehenu wonongnginagoc amma kecma Kebuac kporucwomong momoc ammigec wonongagoc anude. Ngic ifia Isracel yeneac botucfunac meickebeso. Anu womonggarengngo kongaha anganggac dokudzidziango mi mema ukuu heiecac ngic imoc ye Kebuac hehenu wonongagoc anude. Ye Kebuac hehenu wonongagoc amma kefudengoc.

Bangec kisiu 19:20

Anu ngic mong ye Kebuac hehenu wonongagoc amma kecma wononga imoc mi dzuarudeu ye kpebunggac botuhaunac meickebesonga. Ye Kebuac kpetiac womong seuhagoc anudeac ammiecac ifi ammibesonga. Yeni wononga imoc meickegecdeac dokudzidzia ngic imocac witiau mi gigigec enec. Ifi anu ngic ye Kebuac hehenu dzuac dzuara mi anude.

Bangec kisiu 5:31

Anu ewea ye kopocsiha kpac kecmanu enemango faka mangana anec, imocac ebic tofohobeso.’”

Bangec kisiu 9:7

Mose yofi edegec, “Neni fareng kpeserema Kebuac hehenu wononninagoc amma kecdimbe. Anu neni naso memea imohai yombong Isracelngicngac yenigoc kecma Kebusese meminideac kpaeninagoc andimbeac obohode.”

Hebiraio 12:25

Imocac ngeni ngic yoac edengunukecde, ye ngadehebauac garengngina mema kecbisia. Imoc yofiac, Mosengo bangecfu kecma ngicngac goroyoac seria edeyunuu yeni yeac yoac negenggecdeac wama kecma kopocsicac turunga, imohacnac naric mi woragec. Nga yeng kurumenga kurumenga imohacnac mama goroyoac edenunumanu yoara ngadehenideu kopocsicac turung imohacnac ifingoc naric mi woranide.

Hebiraio 2:3

Anu Kebungo monggoc memengerecac sing mong kuha engena yombong edenunuec. Yeng imoc hanaheu yoara negenggec yeneng imocac hepuc amma edenunugec. Anu Anutu yengenaoc yoara meserima negensinggegecdeac kucfaka nga faka kiwa morora mema songoya modacma Tiri Asuac wosoefacac kuc nemmekefec. Ye ifi anecac nenang memengerecac sing kpenideu turungaac naric mi woranide.

Hebiraio 6:6

Nga ngicngac imoc nehemma makpema ngadehegecde, yeni monggoc ubamereng meyunuma heitaiyununideac singa mong mi fede. Ifia yeneng Anutuac Medac didiu deengdema ammima mariponnu monggoc kpeandae.

Hebiraio 9:28

Ifi isocngoc Kristongo naso mocgusac ngicngac sasawa nenanggac kopocsic tofohodarudeac amma sesenina anec. Amma ngade haude, imohai kopocsic tofohoudeac mi haude. Naso imohai Kristongo ngicngac yeac tomai kecdae, yenearu fingecma mengereyunuu komoc kpegecde.