Bangec kisiu 8:4 - Deduamiti

⁴ Nga kifanananga imoc gol hamango heimengere amma megec. Haniaunac engkecma fawau wisickede wiara imoc sasawa gol heimengere amma megec. Imoc Kebungo Mose onga edzahaeec imocac siricfu kifanananga meec.

Bangec kisiu 8:4 ပူးပေါင်းရင်းမြစ်များ

Makekeng 25:18

Ifi faima hamango gol heimengere amma keruw onga yohockang mema tapaac witiau tegia wegenac imocac witiau noboc noboc faiyurubesena.

Makekeng 25:9

Ni kporucwomonggac ongea nga wiara sasawaac ongea edzacgubeso anduae, ge ifia isoc yombong mebesena.”

Makekeng 26:30

Ifi amma kporucwomong dafi nambeso imocac ongea tikiu edzacguaimoc imocac arenga piti yombong modacdacma kpedzibesena.

Makekeng 37:7

Amma gol mema keruwac onga yohockang heimengere amma memusungyuruma tapea tegiau noboc noboc faiyuruu taroc.

Bangec kisiu 8:3

Ifi deu Aharon ye Kebungo Mose dederecge ammiec, imocac siricfu mema kifa miacyunuma tatacnginau faiyunuu kifanananga nanec mana imoc mekperagidarec.

Bangec kisiu 8:5

Anu Kebungo Mose yofi edeec,

Hebiraio 8:5

Mosengo kporucwomong mema miacbeso anu Anutungo goroyoac dema yofi edeec, “Ni tikiu onga edzacguai, ge siriha imoc yombong modacma wiac sasawa medacnadeac henghomema mebesena.” (Mke 25:40) Nga ngic yaguc womonnu ua meandae, yeni Mose isoc kurumenggac onga modacma uangina mekecdae.

Hebiraio 9:23

Bangecfu kporuc bedzoac wiac fede, imocngo womong kurumennu fede, imocac ongea ande. Nga imocngo Anutuac kicfu kpetiac anudeac sacngo dzuacgec. Nga wiac fora kurumennu fede, imoc kpetiac anudeac sac gombunga nga engena yombongngo fede.