Bangec kisiu 8:21 - Deduamiti

²¹ Yeni Lewingic kongaha anggecdeac faka amma wambangina dzuacgec Aharongngo Kebuackicfu meyunuma sese fendzonggeandae, ifi isoc kpabangyunuma ngaba meic meicke ua mema Kebuac hehenu kongaha anggecdeac ua meec.

Bangec kisiu 8:21 ပူးပေါင်းရင်းမြစ်များ

Makekeng 19:10

Edeu Kebungo monggoc yofi edeec, “Ge ngicngac yenearu kemma yofi edeyununa, ‘Yaguc nga wereckenu wambangina dzuacbisia.’ Dzuacgec ge yeni kpetiac anggecdeac desiyunubesena.

Bangec kisiu 19:12

Amma ye wenac kpete harebec nga sewen, imohai Kebuac kicfu wononga kpac anganggac doku dedea imoc nadzicma kongac kpebeso, ye wenac imohai ifi mi anudeu ye Kebuac kicfu kongaha mi anude.

Bangec kisiu 19:19

Anu ngic ye Kebuac hehenu kongaha andac, yeng wenac kpete harebec nga wenac kpete seweng imohai dokudzidzia gigiu ngic wonongagoc amma kecde, ye nadzicmibeso. Ifi anu wononga imoc meickeu ngic wonongagoc ande, ye wenac kpete sewen imohai nadzicmibesonga amma ye wambaya dzuacma doku nadzicma ama toforeu Kebuac hehenu kongaha anude.

Bangec kisiu 3:12

“Negennec, ni Isracelngicngac yeneac botucfunac nenggac herenginaunac warac warac fingecgec sasawa, morocmedacfocnginanoc, yeneac turunga kpougecdeac Lewiac kisicarengfora segereyunuma meisingyunuai. Yeni neac areng yombong.

Bangec kisiu 8:15

Nga geng dzuacyununa kongaha anggecdeac sese fendzonggeandae, ifi isoc kpabangyunuma neac kicfu faiyununa yeni Kebugoc ewacemeemeac kporucamau marimefic ua mekecbisia.

Bangec kisiu 8:20

Kebungo Mose ifi edeu Mose nga Aharon amma Isracelkpebung hafoangoc yeni Mose dederecge ammiec, imocacsoc modacma Lewingic ayemmegec.

Bangec kisiu 8:22

Anu imocac ngadeau Lewingic yeni Aharon nga medacfora yeneng yenenggareng ayemmemagec yeneac bageu kecma uangina megecdeac Kebugoc ewacemeemeac kporucamau enggec. Kebungo Lewingic yeneac yoac Mose dederecge ammiec, imocac siricfu anggec.

Bangec kisiu 8:7

Ge yofi ayemmema dzuacyunubesena, yeni kongaha anggecdeac ge kongaha anganggac doku gigina yenerebeso. Nga yeni kemma sebidzongina sasawa heidacma wambangina dzuacdacbisia. Yeni ifi amma kongaha andacgecde.