Bangec kisiu 8:20 - Deduamiti

²⁰ Kebungo Mose ifi edeu Mose nga Aharon amma Isracelkpebung hafoangoc yeni Mose dederecge ammiec, imocacsoc modacma Lewingic ayemmegec.

Bangec kisiu 8:20 ပူးပေါင်းရင်းမြစ်များ

Makekeng 12:50

Anu Kebungo Mose nga Aharon yoac dederecge ayecmeec, Isracelac ngicngac sasawa yeni imocac siricfu yombong megec.

Bangec kisiu 1:50

Ge ine yeni uayoac yofi yemmebesena, yeni Kebungo wiac heigboringemmekecduaeac kporucwomong wiahagoc amma uaac wiaha sasawa imoc garenggema kecbisia. Yeni kporucwomong nga imocac manau wiaha sasawa imocsac tofohodacbisia amma imocac uayasac mema kecbisia. Amma yeni kporucamangina kpedzima guru mema kporucwomong yerecgema tackembisia.

Bangec kisiu 1:54

Anu Isracelngicngac yeni Kebungo Mose dederecge ammiec, yoac imoc sasawa modacma megec ifi fingecdarec.

Bangec kisiu 8:19

Anu isracelngic sasawa yeneac botucnginaunac Lewingic segereyunuma meyunuma sese dema Aharon nga medacfora yeni yemmeai. Yemmema isracelngic ngeni Kebugoc ewacemeemeac kporucamau marimefic ua megecdeac deaimoc yeni ngeneac tatacngina mema neac ua imocnoc mebisia. Yeni ngaba meic meicke ua ifi megec Isracelngicngac yeni kpetiac amaac wegenac kenggec hafei homectoayagoc mong mi fingecyemmeude.”

Bangec kisiu 8:21

Yeni Lewingic kongaha anggecdeac faka amma wambangina dzuacgec Aharongngo Kebuackicfu meyunuma sese fendzonggeandae, ifi isoc kpabangyunuma ngaba meic meicke ua mema Kebuac hehenu kongaha anggecdeac ua meec.

Bangec kisiu 9:22

Hoengngo wenac yohockang, me afo mong, me wenac goa mehereema kporucwomong witiau taru yeni imohai ruaegoc tacyac angkecgec. Nga hoengngo monggoc enu yeni efaima yacma kporucamangina meickema torokpema kengkecgec.

Bangec kisiu 9:5

Edeyunuu yeni afo kpete mocgu, imocac wenac kpete 14, imohai ama marai anu Sinai bangeckisiu onggoc onggongge nasotoa imoc tacgec. Yeni Kebungo Mose dederecge ammiec imocacsoc yombong anggec.