Bangec kisiu 8:14 - Deduamiti

¹⁴ Ge ifi amma Lewiac kisicarengfora Isracelngicngac yeneac botucfunac segereyunuma meisingyununa yeni neac areng amma kecbisia.

Bangec kisiu 8:14 ပူးပေါင်းရင်းမြစ်များ

Malecaki 3:17

“Yeni neac arengfocna anggecde. Nga neanna nasokereng monnu faka mebade naso imohai yeni neanna ngicngacfocna yombong anggecde. Amma manggac monggac medahango mamaac enactofoc tofoho anu wosoefac ammiande ifi isocngoc yeni wosoefac ayemmebade.

Bangec kisiu 18:6

Nga negennec, ni neannaoc dacmunafocga Lewingic yeni Isracelngicngac yeneac botucfunac segereyunuma meisingyunuai. Meisingyunuba yeni sese isoc Kebu neanna amma kecma Kebugoc ewacemeemeac kporucamaac uaya megecdeac segereyunuma ngeni ngemmeai.

Bangec kisiu 3:12

“Negennec, ni Isracelngicngac yeneac botucfunac nenggac herenginaunac warac warac fingecgec sasawa, morocmedacfocnginanoc, yeneac turunga kpougecdeac Lewiac kisicarengfora segereyunuma meisingyunuai. Yeni neac areng yombong.

Bangec kisiu 3:45

“Ge Isracelngicngac morocmedacfocngina sasawa yeneac turunga Lewingic segereyunuma meisingyununa yeni Kebu neac areng yombong amma kecbisia. Nga ramaburumakafocngina yeneac turunga Lewingicngac yeneac ramaburumaka imoc neac ifingoc anggecde. Lewingic yeni neac areng amma kecbisia. Ni Kebunoc.

Bangec kisiu 3:9

Geng Lewiac kisicarengfora Aharon nga medacfora yemmebesena anu yeni yeneac amma kecbisia. Imoc yofiac, Isracelngicngac yeneng sese dema imoc Aharon migecde.

Bangec kisiu 6:2

“Ge Isracelngicngac yoac yofi edeyunubesena, ‘Ngic me ngac mongngo Kebuac kpetiacareng anudeac segereemeudeac yoac mong deserima deudeu

Bangec kisiu 8:13

Ifi amma Lewingic Aharon nga medacfora yeneac kicnginau faiyununa yeneng Kebuac sese anggecdeac sese fendzonggeandae, ifi isoc kpabangyunubisia.

Bangec kisiu 8:17

Isracelngic yeneac botucnginau ngic me yang warac warac fingecgec yeni sasawa neac yombong. Ni Aigitabangecfu warac fingec fingera kpebucyunudarai wenac imohaingoc neac kpetiacareng anggecdeac dema segereyunuma desiyunuai.

Roma 1:1

Ni Paurongo kibi yoc ohoma Roma kpebung ngenearu faiduae. Yesu Kristo ye minginna nga ni yeac wanacngic. Yeng kpacnuma segerenuu aposoro ua mema Anutuac siduc gombung dekperagibadeac denenec.

Garata 1:15

Nenggac heremanau tacbare Anutu yengenaoc meisinnuma wosoefahaac kpacnuec.

Hebiraio 7:26

Anu womonggarengtoa yennoc naric meficnunuude. Ye kpetiac nga kopocsiha kpac, kongaha amma wononga kpac. Anutungo ye ngic kopocsicmeme yeneac botucfunac meickeu ye kurumeng sasawa fekende, imoc feracyunuma wi kecde.