Bangec kisiu 7:89 - Deduamiti

⁸⁹ Anu Mose ye Kebugoc yoac denegeng anecdeac Kebugoc ewacemeemeac kporucamau emma wiac heigboriyemmeudeac katapaac witiau tapeau keruw yohockang taroc yereac botucngirau Kebuac ubaudumeng hau negenec.

Bangec kisiu 7:89 ပူးပေါင်းရင်းမြစ်များ

Mitiyegec 80:1

O Isracelac rama gareng, ge kedzac faima yoacnina negenna. Geng Yosefac areng rama habu isoc wangecyununade. Keruw yeneng miacguma ngictautatacga anggec geng yeneac witiu tacannec, gennoc hama kperagigango nerarannunubesena.

Mitiyegec 99:1

Kebu ye ngictau amma ye ngiha ngiha garengyunuu yeni dzonong fedefedegoc kecbisia. Ye keruw botucnginau ngictau tatahau taru usocngo bangecfu mebeso.

Makekeng 40:34

Anu hoengngo Kebugoc ewacemeemeac kporucama sememanu Kebuac kibikperagingo kporucwomong mewakeec.

Makekeng 40:35

Nga Kebuac kibikperagingo hoeng manau tacma kporucwomong mewakeecac Mose ye Kebugoc ewacemeemeac kporucamau enudeacsoc mi anec.

Bangec kisiu 1:1

177 Isracelngicngac yeni Aigitabangecfunac meickema kengkecmagec kifa kpete yohockang imocac afo kpete yohockanggac wenac kpete mocgu imohai Sinai bangeckisiu kensikema tacgec. Naso imohai Kebungo Kebugoc ewacemeemeac kporucamau Mose yoac yofi edeec,

Bangec kisiu 11:17

Nammagec ni mama gegoc yoac denegeng amba gearu Asu fede, Asu imocac noboha ifingoc yeneac witiu faibade. Ifi anu ngicngacareng yeneac ebic gegoc momoc tofohogec geng imoc tembucga monggoc mi tofohonade.

Bangec kisiu 12:8

Ni yegoc yoac mong sangoyau mi deanduae, kpac. Ni Moseac kicfu fingec fingec mekperagiemeba nengande. Anu ngeri nocac enactofoc tofohongicna Mose desure ammibeso kengec mi andaoc?”

Bangec kisiu 8:1

Kebungo Mose yofi edeec,

Hebiraio 4:16

Imocac nenang kengec nga negengyohoa kpac kecma Anutuac danggunucac ngictau tatacac wegenac kembisina. Ifi anu memefic naso yombong hau yeac wosoefac meficgeni yeng danggunuha nemmema meficnunuude.

1 Petoro 1:12

Kicfifi amma yenang meficemegecdeac kpac, imoc ngeni meficngunugecdeac yoara dekperagingemmegec, Anutungo imoc edzacyunuu yeni ireckegec. Kecma Anutungo Tiri Asu kurumennunac bangecfu sueu mama siduc gombung dedengic kuc yemmeu, yeni yoac imoc mema dekperagingemmegec ngeni imoc negenggec. Nga Angero yeni imoc ifingoc henggecdeac ayemmeande.