Bangec kisiu 4:47 - Deduamiti

⁴⁷ Megec ngic imoc yeni kifangina tetiunac namma emma fifti meec. Amma yeni sasawango hama Kebugoc ewacemeemeac kporucamau marimefic ua mong mekecgec me finac tofoc tofoho ua mekecgec.

Bangec kisiu 4:47 ပူးပေါင်းရင်းမြစ်များ

Bangec kisiu 4:15

Anu Aharon nga medacfora yeni wiac kpetiac sasawa nga imocac wiacgedanga sasawa kperahadacgec wisickeu kporucamahabu sasawa efaima kembeso anggecde naso imohai kehatngic yeni wiac imoc tofohogecdeac efaima habisia. Amma yeni homebauac ine wiac kpetiac imoc meheng kpeheng mong mi ambisia. Kehatac medacfora yeni Kebugoc ewacemeemeac kporucamaac wiac imoc tofohogecdeac deyec deyemmea.

Bangec kisiu 4:3

Imoc ngic kifangina tetiunac namma emma fifti, yeni Kebugoc ewacemeemeac kporucama manau marimefic ua naric megecdeacsoc andae, ngic imoc yeni kpetengina medacbesera.

Bangec kisiu 4:30

Ge ngic sasawa kifangina tetiunac namma emma fifti mede nga ua naric megecdeacsoc andae, yeni arengyunuma kpetengina mena yeni Kebugoc ewacemeemeac kporucamau marimefic ua mekecbisia.

Bangec kisiu 4:37

Mose nga Aharon yeri Kebungo Mose dederecge ammiec, imoc tofohoma Kehat fingecsaheunac arengyunuma kpetengina meoc. Nga yeni sasawa Kebugoc ewacemeemeac kporucamau marimefic ua megecdeac dedea.

Bangec kisiu 4:46

Mose nga Aharon amma Isracelac ngicenara yeni ifi amma Lewiarenggac fingecsahengina amma amaarengnginasoc modacma arengyunuma kpetengina medacgec.

Bangec kisiu 4:48

Ngic imoc arengyunuma kpetengina megec imoc 8 580 anec.