Bangec kisiu 3:8 - Deduamiti

⁸ Yeni kporucwomonnu ua mema Kebugoc ewacemeemeac kporucamaac wiac sasawa henggareng ambisia. Nga Isracelngicngac ua deyec deyemmea fede, imoc modacyombonggema medacbisia.

Bangec kisiu 3:8 ပူးပေါင်းရင်းမြစ်များ

Bangec kisiu 10:17

Nga kporucwomong mesidacma kpedzucnegec Gereson nga Merari yereac sacarengfocngira yeneng tofohogec.

Bangec kisiu 10:21

Anu yeneac ngadeu Kehatac arengfora yeni ama mana kpetiacac manau wiac kpetiac fekefec imoc tofohoma kenggec. Kengkecmagec kporucwomong mekenggec yeneng waraima imoc kporucamabangec gboriau kpedzigec enuguc Kehatareng yeneng wiacnginagoc hasikegec.

Bangec kisiu 3:7

Yeneng kporucwomonnu marimefic ua mekecma ye nga ngichabu hafoangoc yeneac ua Kebugoc ewacemeemeac kporucamaac hoangau nga kporucwomonnu mekecbisia.

Bangec kisiu 3:9

Geng Lewiac kisicarengfora Aharon nga medacfora yemmebesena anu yeni yeneac amma kecbisia. Imoc yofiac, Isracelngicngac yeneng sese dema imoc Aharon migecde.

Bangec kisiu 31:30

Mima Isracelngicngac dzikacfu mi kenggec yenearunac wiac mendzicma yemmeyemmea yahacnac ine yofi mebesena, fifti imohacnac mocgu, ngic nga burumaka nga donggi nga noning amma rama, imoc ramaburumaka sasawa yenearunac mocgu mocgu mema Lewingic Kebuac womonggac uaareng garenggedaemoc yeni yemmebisia.”

Bangec kisiu 4:15

Anu Aharon nga medacfora yeni wiac kpetiac sasawa nga imocac wiacgedanga sasawa kperahadacgec wisickeu kporucamahabu sasawa efaima kembeso anggecde naso imohai kehatngic yeni wiac imoc tofohogecdeac efaima habisia. Amma yeni homebauac ine wiac kpetiac imoc meheng kpeheng mong mi ambisia. Kehatac medacfora yeni Kebugoc ewacemeemeac kporucamaac wiac imoc tofohogecdeac deyec deyemmea.

Bangec kisiu 4:28

Anu Geresonggac fingecsaheunac ngic yeni Kebugoc ewacemeemeac kporucamau uaareng imoc mebisia. Nga womonggareng Aharon medaha Itamarngo yenenggareng ayemmeu yeac bageu ua imoc medacbisia.

Bangec kisiu 4:33

Merari medacfora yeneac fingecsahe imoc yeneng Kebugoc ewacemeemeac kporucamau marimefic ua mebisia. Nga womonggareng Aharonggac medaha Itamarngo yenenggareng ayemmeu yeac bageu kecma marimefic ua imoc mekecbisia.”