Bangec kisiu 28:2 - Deduamiti

² “Ge Isracelngicngac yoac yomoc dederecge ayemmena imoc modacbisia, ‘Yeni neac seseac yaka sesegerecna hafoangoc ohogec homuna gombunga fiu negemba ngereeudeac nasoyombongau piti mehakecbisia.’

Bangec kisiu 28:2 ပူးပေါင်းရင်းမြစ်များ

Fingec fingec 8:21

Anu Kebungo hosuc homung songeagoc imocnegemma negen negengau yofi negenec, “Bangecngicngac yenisebigboringinaunacngoc ubaherenginau negen negengnginangomangana negensima kecgecde. Ni yeneac amma bangec monggocmi soweckebade. Anu wiac kekecnginagoc sasawa yunuba homegec ifi isoc monggoc mi ambade.

Nehemia 10:34

Anu womonggareng nga Lewiareng amma ngicngac goa neni dedeseri kibiu ohoohoya fede; imoc modacma kpeing kpeni habu damoc yeneng kifasoc Kebu Anutuninaac sesegerec oho ohonasou arataac gerec feranga mekpedzuc amma Anutuninaac amau mehagecde, imoc meficgebisina.

Mitiyegec 81:3

Afo gboria mau nga nasotoanina afo dzongiau trampet fifigec arohobeso.

Makekeng 23:15

Ge icsogong aenga kpacac nasotoa imoc tacbesena. Ge imohai neng dederecge anggenai imocac siricfu icsogong aenga kpac nema kecmana wenac sewen wisickebeso. Anu afo awiwac nasoya faifaia imohai ifi ambesena, nocac ge afo imohainoc Aigitabangec wama manec. Nga mongngo neac kicfu habeso negende ye neac wiac mong mariau mema habeso.

Makekeng 29:18

Faima imoc hafoangoc aratau faina dzedacbeso. Imoc Kebuac sesegerec amma ye homuna gombunga yombong negenu ngereeudeac amma sese imoc gerecfu faina dzema Kebuaru kembeso.

Malecaki 1:12

Anu ngeneng ine yofi dema kpacna meenti memati angkecdae, “Anutuac arata imoc seuhagoc.” Ifi dema aratanau sese seuhagoc hengsure surea imoc sicsauc faiandae.

Malecaki 1:7

imocac yofi edengunuduae, ‘Ngeni sesengina mangana imoc neac aratau faiandae.’ Ifi deba ngeneng yoac yofi dema dekpesi anengkecdae, ‘Neni dafi amma kpetiac kekecgaac kpacga memanganeandimbe?’ Ifi degecac yofi meremma deduae, ‘Ngeni neac arata imoc memefiha kpac. Ifi negengandae imocnoc kpetiac kekecnaac kpacna memanganeandae.

Bangec kisiu 15:24

Ngeni dederecgeyoac imoc mi kpebisia negemma segema kopocsic meficgegecdeu nga kpebung ngeneng imoc mi negenggec dema kpebung hafoangoc ngeni burumakangiwa mocgu kifaya mocgu angana mema faima sesegerec hafoangoc ohogec homuna gombunga fiu Kebungo imoc hemma negenu ngereeude. Nga seseac yaka nga seseac doku imoc singa modacma faibisia amma noningngiwa mocgu imoc kopocsic meic meickeac sese dema momoc faibisia.

Bangec kisiu 15:3

naso imohai dedeseringina meserigecdeac negembesandae me ubangerecac sese faigecdeac negembesandae me nasotoanginaac sese mong faigecdeac negembesandaeac gerecfu sese me sesegerec hafoangoc oho ohoya faibesandae imocngo homuna gombunga fiu Kebungo imoc hemma negenu ngereeudeac rama me burumakahabunginaunac yeac sese mong houma faigecdeac negendae imohai yofi ambisia.

Bangec kisiu 15:7

Amma seseac dokuac negemma waindoku hinkpete ⅓ mehama faibesena. Imocngo homuna gombunga fiu Kebungo imoc hemma negenu ngereeudeac ifi angkecbesena.

Bangec kisiu 28:1

Kebungo Mose yofi edeec,

Bangec kisiu 29:39

Sese imoc ifinoc nasotoangina deserigec, imohai yombong Kebuohomikecbisia. Ngeni ifingoc yoac deserigecac sese nga ubangerecac sese faibisia. Imoc sesegerecngina andeac hafoangoc ohogecde me seseac yaka me doku me ruaeac sesengina faikecbisia.”

Bangec kisiu 9:13

Nga ngic mong ye Kebuac hehenu kongaha kecma onggoc onggongge nasotoa eng wama mi tarude me bangec hereau mi kenude nga sifu onggoc onggongge nasotoa mi tarudeu, ye ngicngacareng tosofora yeneac botucfunac meickebisia. Ye naso dedeau Kebusese mi memiecac ifi ammigec yengenaocngoc kopocsihaac turunga tofobeso.

Bangec kisiu 9:7

Mose yofi edegec, “Neni fareng kpeserema Kebuac hehenu wononninagoc amma kecdimbe. Anu neni naso memea imohai yombong Isracelngicngac yenigoc kecma Kebusese meminideac kpaeninagoc andimbeac obohode.”

2 Korinti 2:15

Kristogoc kpeketahema kecni sebihomunnina gombunga Anutuaru enude. Ngicngac komoc kpegecde, yeneac botucfu imocngo homuna gombunga kekehagoc amma kekec yemmeude. Nga hofeac sing modacandae, imoc yeneac botucfu ine hoachomung kpedzini imocngo homec yemmeude. Tembucnina ua imoc naric mi mebing, kpac. Kristogoc kpeketahema kecni ifi fingerude.

Efeso 5:2

Kristo ye ifingoc heresongogoc hoannunuma yengena sebia desiemema sese imoc Anutuaru mekemma nenanggac donina mema homeec. Sese imocngo homung kerengagoc amma Anutuaru enec. Nga ngeni onga imoc modacma heresongogoc hoangemema kecbisia.

Firipi 4:18

Epafoditongo wiac goa ngenearunac mehaecac wiac monggac mi oboho kecba wiacna ebiriangoc fede. Nga wiac imocngo homung kerengagoc amma sese songea, Anutungo imoc henu ngereede.