Bangec kisiu 27:3 - Deduamiti

³ “Mannina ye bangeckisiu homeec. Nga ye ine Kora nga habufora Kebuac yoac kpegec, yenigoc kpedzucnema yeneac botucnginau mi kefec. Amma ye medacfora kpac nga ye yengena kopocsicac amma homeec.

Bangec kisiu 27:3 ပူးပေါင်းရင်းမြစ်များ

Bangec kisiu 14:35

Kebu neng yoac imoc dedua amma monggoc debade, ‘Ngichabu hafoangoc yomoc yeni ubaherenginau faka mangana arenggema uba mocgu amma neac yoac kpekecdae yeni bangec kisi yomohai kekecngina wisickeu bangec yomohaingoc homegecde.’ ”

Bangec kisiu 16:19

Nga Kora ye ngichabu hafoangoc yeni modzongina tiudeac yoac edeyunuma kpedzucyunuu yeni Kebugoc ewacemeemeac kporucamaac naguu nanggec. Nammagec Kebuac kibikperagingo ngichabu hafoangoc yeneac kicfu fingectegerec.

Bangec kisiu 16:49

Anu hafei homectoayagocngo meyunuu homegec imoc 14 700. Nga Koraac wiacfora homegec, yenearu ifingoc torokpema homegec.

Bangec kisiu 26:33

Nga Hefer medaha Tselafehad ye medacfora kpac, naroangforasac fingecgec nga yeneac kpacngina yofi, Mahela, Noca, Hagela nga Mileka amma Tirtsa.

Bangec kisiu 27:2

Yeni Kebugoc ewacemeemeac kporucamaac naguyau hama Mose nga womonggareng Elecadzar amma ngicenarafocngina nga ngichabu hafoangoc yeneac kicfu namma yofi degec,

Bangec kisiu 27:4

Nga ye medaha kpac kefecac amma kpara arengfora yenearu kpac anude imoc naric mi heide. Imocac manninaac dacmunafora yeneac botucfu bangec mong nemmebisia.”

Yohane 8:21

Amma Yesungo monggoc yofi edeyunuec, “Ni kemba ngeni hofocnuma kopocsicnginagoc kecma homegecde. Nga ni kembade, imohai ngeneng naric mi hagecde.”

Yohane 8:24

Imocacnoc edengunuduae, ngeni kopocsicnginagoc kecma homegecde. Ngeni ‘ni kecduaengoc,’ imoc mi negensinggedaeu kopocsicngina fekefu homegecde.”

Roma 5:12

Imoc yofi fingerec, ngic mocguacsac amma kopocsic bangectoa bangecfu fingecma homec heficgeec. Nga ngicngac sasawa kopocsic meficgegecac amma homecngo ngicngac sasawa meyunuec.

Roma 5:21

Imoc yofiac, kopocsicngo homec meficgema yenenggareng anec, ifi isocngoc danggunucngo garennina anu Anutungo Kebunina Yesu Kristoac amma dindingac denemmema kekec wisic wisickea kpac nemmebesande.

Roma 6:23

Imoc yofiac, kopocsicac buma imoc homec megecde nga Anutuac wosoefac, imoc Kebunina Yesu Kristoac amma kekecseri buma kpac nemmebesande.