Bangec kisiu 27:17 - Deduamiti

¹⁷ Faina yeng waraiyemmema hesicyunuu kembisia nga yengngoc enara meyemmemanu meyunuma dzigenebisia. Yeng hesicyunuu kembisia nga yengngoc meyunuu dzigenebeso. Kebu geac kpebung yeni ramahabu garengngina kpac ifi isoc mi kecgecdeac ifi ambesena.”

Bangec kisiu 27:17 ပူးပေါင်းရင်းမြစ်များ

Dzekarya 10:2

Nemuonga yeni ikocnginagoc nga kpefingkpekpe yeni kpefing ikoha kpeandae amma gau hemma imocac hania sege segea dekpou angkecdae amma yoac fora kpacfu demekiri ayemmeandae. Ifi ayemmegec ngicngac yeni rama isoc kpekeng kpeha amma garenga kpac isoc kecma ebicfu engkecdae.

Dzekarya 13:7

Kurumenggac wasaiareng habuya habuya yeneac Kebungo yofi dede, “Wasaibeang ge yacma ramagareng neac hoannu nande, ye ngaba ammima kpena. Kpena rama yeni ticpactohoma worabesandae. Woramagec ni ramamedacfora marinango mefacyunuma ngadeyunubesandua.”

Mataio 10:6

Israehabuu ngicngac rama sufu sufuya, ifi isoc kecdae, ngeni yenearu kembisia.

Mataio 15:24

Ifi degec, yeng yoac yofi merenec, “Ni Isracel amaarenggac rama sufu sufuya kecdae, yeneac amma mayai.”

Mataio 9:36

Nga habutoa yeni demadzac nga kucmama amma rama garengngina kpac, ifi isoc kecgec. Imocac amma Yesungo yenemma ubea manganeu

Mareko 6:34

Kensikema Yesungo gombaunac mama ngicngac habutoa ifi yenemma yeneac ubahodung negenec. Nocac yeni rama garengngina kpac kecdae, ifi isoc kecgec. Ifi negemma wiac homac edekpou ayemmeec.

Yohane 10:9

Ni neannaoc nagu. Mongngo nearu ferecgema oda manau enudeu Anutungo ye ebicfunac mesiu komoc kpeude. Amma ye naguusing engemmama amma nenesemeng meficgeude.

1 Petoro 2:25

Ngeni warac rama isoc sing segema kecgec. Nga yofinenggac ramagarenggaru bic dzigenegec yennoc ubaongangina henggareng angemmeude.