Bangec kisiu 24:9 - Deduamiti

⁹ Yeni laionyang isoc mama fedae, yeni laiongngagera isoc fedae. Mongngo ye yarudeac ammiudeacsoc mi ambesande. Ngic kenecngunubesandae, yeni kenecnginagoc. Sowecngunubesandae yeni sowecnginagoc.”

Bangec kisiu 24:9 ပူးပေါင်းရင်းမြစ်များ

Fingec fingec 12:3

Nga ngicngac kenecgugecde imoc neng ifingoc kenecyunubade. Nga ngicngac sowecgugecde imoc sowecyunubade. Anu ngicngacareng bangeha bangeha kecgecde yeni geac amma kenecyunudacbesandua.”

Fingec fingec 27:29

Ngiha ngiha yeni geac enac tofoc tofohongic kecbisia amma ngicngac habuya habuya yeni ge ngonducnegembisia. Ge ine dacmunafocga yeneac ngic kunengngina ambesannec. Nga nonggogaac medacfora yeni ge ngonducnegembisia. Nga ge sowecgugecde yeni sowecnginagoc nga ge kenecgugecde yeni kenecnginagoc anggecde.”

Fingec fingec 49:9

Yehuda ye laionmedaha isoc. O medacna, ge yang kpema nannec. Ye laionyang isoc ngonducnema fenegenude. Amma ye laionngagera isoc andeac mongngo ye yarudeac naric mi suruckeude.

Esta 6:13

Kensikema noc wiac fingecmiec, imocac siduc sasawa enema Dzere nga tosofora ayemmedarec. Anu enema Dzere nga dederecgefora yeneng yofi demigec, “Yaguc Modekaingo hanahema memagude nga ye Yehudangic fora kecdeu ge wiac mong amma ferahaba dema ine geangga manganedacnade.”

Mitiyegec 122:6

Ngeni ruae Yerusalaimnu feudeac numubisia. “Geac songo negengandae, yeni naric kecma wiac monggac mi obohobisia.

Mitiyegec 2:12

Medac ye herebu bic angkecde. Yeng ngaba angemmeu ngeni sinnu manganema kpac ambauac haniau ngonducnema titikokoc ammibisia. Ngicngac yeac hoannu sufuma kecdae, yeni kenecnginagoc.

Makekeng 23:22

Nga ge kedzac kpema yeac ubaudumenga negemma kecnade nga ni yoac deduaesoc modacnadeu ni ngabafocga ngaba ayemmebade nga ubango wagudae yeni ubango wayunubade.

Mika 5:8

Anu bangeha bangeha yenearunac Yacakowareng tosea yeneng ngiha ngiha yeneac botucfu kateac wasaiyang yenearunac laiong isoc nga ramahabu yenearunac laiong medaha mong kuchagocngo mesariyunuma mereckperecge meyunumanu mongngo naric mi kasokpeude.

Bangec kisiu 22:12

Ifi deu Anutungo Bilecam yofi edeec, “Ge yenigoc mi kembesena. Ngicngacareng imoc yeni kenecnginagoc, imocac ge mi sowecyunubesena.”

Bangec kisiu 22:6

Yeneac kucnginango neac kucna ferahadeac ge naric hama neac amma ngicngacareng imoc sowecyunubang me? Geng hama ifi annadeu ni wasaingicfocnagoc neni gedang firang amma yunuma bangecninaunac kisangyununi kenggecde.”

Bangec kisiu 23:24

Negendae, ngicngacareng imoc yeni laiongngagera isoc yacma nandae, yeni laionyang isoc yacma nandae. Ye kecnegenga kpac kecma yang kisandacmoc kpebucgema sacfusia nedacmaguc mafeude.”

Bangec kisiu 24:10

Ifi deu Balak ye yoac imoc negemma Bilecamgac herea buyombonggeec imoc gerec isoc dzeu maria kpema yofi edeec, “Ni ngabafocna sowecyununadeac hana dema heitaiguai nga geng ine imoc wama kenecyununa naso harebec bic ande.

Mataio 25:40

Ifi degec ngictaungo yofi edeyunuude, ‘Foracngoc, ngeni munafocna kapiabisic yenearunac mocgunec ubangerec ammigec, imocacsoc ninoc anenggec.’ imoc edengunuduae.

Mataio 25:45

Ifi degec yeng yofi edeyunuude, ‘Foracngoc, ngeni munafocna kapiabisic yenearunac mocgunec ubangerec mi ammigec, imoc ifingoc ni mi anenggec, imoc edengunuduae.’

Aposoro 9:5

ifi deu Saurongo kpesimiec, “Kebu ge merac?” ifi deu deec, “Nukporac anengkecnec, Yesu ninoc.