Bangec kisiu 24:5 - Deduamiti

⁵ O Yacakow, geac kporucamaga sasawa imoc siricngina gombunga yombong. Isracel, geac amagerecga guruya guruya imoc songodzidziagoc.

Bangec kisiu 24:5 ပူးပေါင်းရင်းမြစ်များ

Nehemia 13:2

Yeni Isracelareng semeng nga doku mong mi yemmegec. Yeni ine Bilecamngo memanganeyunuudeac bung migec. Anu Anutungo imoc heimerenu kenecngina anec.

Mitiyegec 84:2

Kebu, ni ongaasunango geac womong sobenggaac ammiu imohai kebadeac homema kecde. Ni heresebinango Anutu kekehagoc, yeac sogac sogai yegec heide.

Makekeng 38:21

Anu Mose ye Kebungo wiac heigboringemmekecduaeac kporucwomonggac areng hemma kpetea isinggema wiac mehagecdeac dederecge ayemmeu wiac imoc sasawa mema megec. Womonggareng Aharonggac medaha Itamarngo garengyunumanu Lewiac kisicarengfora yeneng wiac imoc osodacgec.

Malecaki 2:12

Ngicngac engena mameango faka ifia angkecdae, yeni kurumenggac wasaiareng habuya habuya yeneac Kebungo Yacakowac arennunac meicyunudacbesande. Amma yeni yeac sese sing segema faiandae yeni ifingoc meicyunudacbesande.

Bangec kisiu 2:34

Isracelngicngac yeni Kebungo Mose dederecge ammiec, imocacsoc andacgec. Yeni kpetengina kibiagoc gununggegec enu kporucamangina imocac bageau kpedzigec enu guru mema tackenggec. Amma yeni efaima kporucamangina meickema bangec mong wama kembeso dema ngic tembuc tembuc sasawa yeni fingecsahengina nga amaarengnginasoc modacma monggoc yacma kengkecgec.

Bangec kisiu 24:2

Fima henu Isracel yeni kisicfocnginasoc modacma guru mema kporucamanginau tacyac anggec. Ifi henu Anutuac Asungo yeac witiu maec.

Bangec kisiu 24:4

Yeng Anutuac yoac negende, ye Kuctoa Mingina yeac dedekperagiyoacac kpefing hennegengande. Ye bangecfu ngonducnemanu kiwa tegeru wiac hengande.

Bangec kisiu 24:6

Imoc tumiatoa emu tiki botucnginau fekendae, ifi isoc imoc semeng ua dokutoa fekendeac tegiau isoc. Imoc aloe Kebungo homerec ifi isoc, imoc cedar ic doku tegiau nangandae ifi isoc.