Bangec kisiu 24:18 - Deduamiti

¹⁸ Ye ngabafora bangecngina mema imocac mingina ambesande, ye Edom nga Secir yeneac bangec mema mingina ambesande. Isracel ye kuhagoc yombong ambesande.

Bangec kisiu 24:18 ပူးပေါင်းရင်းမြစ်များ

Fingec fingec 27:29

Ngiha ngiha yeni geac enac tofoc tofohongic kecbisia amma ngicngac habuya habuya yeni ge ngonducnegembisia. Ge ine dacmunafocga yeneac ngic kunengngina ambesannec. Nga nonggogaac medacfora yeni ge ngonducnegembisia. Nga ge sowecgugecde yeni sowecnginagoc nga ge kenecgugecde yeni kenecnginagoc anggecde.”

Fingec fingec 27:40

Nga ge dzikacbeangngo ewema kecma yaka meficgenade nga munaga kingang kpeminade. Nga ge modzoga tiu munagaac tofo hembarackema fuagaunac meickema ukunade.”

Fingec fingec 32:3

Yacakow ye dara Esaw Secir bangecfu Edom amabangec imohai kefec. Imocac amma Yacakowngo siducdedengicfora yofi dema edeyunuma sueyunuu waraima yearu kenggec.

Mitiyegec 60:1

O Anutu, ge ngadenunuma kpetotienunuma neneac ngaba annec. O Kebu, ge monggoc mengerenununa.

Amosi 9:11

“Naso mong haude imohai, “Ni Dawidac eucererengnga makpeec imoc monggoc medzuacma me-mengere ambade. Amma hocoda dzamedzamea imocac sesuhau wiac sasawa manganedarec, imoc monggoc mengerema warac tarec ifi isocngoc faibade.

Amosi 9:12

Anu yeni Edomgac bangec tosea mema bangec nga ngicngac damoc neanna bingec meisingyunuai yeneac bangec tosea ifingoc megecde.” Kebu wiac sasawa yomoc meude, yeng ifi dekperagide.

Owadya 1:2

Negendae, Kebungo Edom yoac yofi dema edede, “Ni bangec noboc noboc yeneac botucfu kuc hesihesi anggemba kucga kpac ammanu seuc isoc ukugugecde.

Bangec kisiu 20:18

Ifi degec edomngictaungo yofi merengyemmeec, “Ngeni neac bangecfu sing mi ferecgegecde. Nga sifu kenggecdeu ine dzikac ngenigoc kpenideac dzikacac beannina mema ngunukporac angemmenide.”

Bangec kisiu 24:19

Ngictau ye Yacakow yearunac fingerec, ngictauac kucngo garengyunuude, ye taonnu tosea sufuma kecgecde yeni kpetotieyunudacbesandae.”