Bangec kisiu 22:7 - Deduamiti

⁷ Anu Mocaw yeneac ngicenarafocngina nga Midyan yeneac ngicenarafocngina yeni kpefingyoacac bung maringinau mema Bilecam yearu kensikema Balakac yoac imoc edegec.

Bangec kisiu 22:7 ပူးပေါင်းရင်းမြစ်များ

Mika 3:11

Ammanu enara ngeni ngicngac yeneac desidesi ua gombunga megecdeac dzongo kererengunuandae amma womonggareng ngeni bummengunugecdeac dederecge ayemmeandae nga profete ngeni hiedzo ngemmegecdeac negemma wiac ngade fingerudeac edeyunukecdae. Ifi ammaguc ineKebuacmemeficarugeng fima yofi deandae, “Kebungo nenang botucfu kecmanu ebicngo naric mi hanemmebesande.”

Bangec kisiu 22:8

Edegec yofi edeyunuec, “Ngeni tofocnac yei femagec, Kebungo yoac dafi edenuude imoc edengunubade.” Ifi deu Mocaw ngictaumedacareng yeni Bilecamgac amau fegec.

Bangec kisiu 23:23

Yacakow yeac dzinacfaka mena yearu fora kpac anude. Isracel yeac mosocfaka mena fora kpacngoc anude. Nasotoa fingeru Yacakow nga Isracel yeneac yofi degecde, ‘Hendae, Anutungo yenearu fakatoa hania hania mekefec.’

Bangec kisiu 24:1

Anu Bilecam ye yofi henec, Kebungo Isracel kenecyunuudeac negenu ngereede. Ifi negemma ye warac kpefingyoac deudeac ma hania hania meficgeudeac angkefec isoc mi kenec. Ye eng kiwa bangec kisiubigeng fiec.

Roma 16:18

Areng ifia yeni Kebunina Kristoac kingang ua mong mi kpekecdae. Yeni ine yakaac songo nga negensongongina fingerudeac ngicngac goa negengisinga kpac tobangyunuma ubaherengina mesufuma yoac gombunga dema dekerec ayemmegecde.

Tito 1:11

Ngic ifia yeneac enac medzickebesonga. Yenennoc dzofinactoa ikocfu meficgegecdeac yoac dedesifucgoc edekpou ayemmegecde. Ayemmegec ama areng goa hafoangoc tohoma manganegecde.

2 Petoro 2:15

Bireang Beoroac medac, ye dzofinacac songo negemma Anutuac sing ferahema hiedzoac ua meu donggi yoac mi dedeango ngic isoc dehanec ammima profetengo sing segema faka kapaya amma kenghei hahei anecac kpae heimiec. Nga kpoukpou ikoha, yeneng Bireanggac sing modacma sing dindingac wama sing segegecde.

Yuda 1:11

Yeni Kainggac sing modacma hiedzongina fingerudeac Bireanggac sicsauc faka imocngo wangecyunuu yeni sing imoc bic kenggec. Amma Korango yoackpekpe anec, ifi isoc yeni bic yoackpekpe anggec, imocngo ebiriangoc memanganeyunuec. Imocac yeni sowecnginagoc.