Bangec kisiu 22:4 - Deduamiti

⁴ Ifi Amma Midyan ngicenarafocngina yofi edeyunugec, “Yaguc ngicngachabu imoc yeneng wiac sasawa oronnunuma fenemmede imoc sasawa nedacgecde. Burumakangiwa gbomangina meic meickea imoc yeneng kpindzing tengging tengging bangecfu neandae ifi isoc bangecninau wiacnina ifi nedacgecde.” Anu Tsippor medaha Balak ye naso imohai Mocaw yeneac ngictau kefec.

Bangec kisiu 22:4 ပူးပေါင်းရင်းမြစ်များ

Makekeng 15:15

Naso imohai edomngictaufora yeni bibictakpac takpacge anggec. Mocaw enarafocngina kucnginagoc yeni dzonongina fedeu kengecyunuec. Kenacan bangec mingina yeni sasawa sisingaima kpac andacgec.

Bangec kisiu 22:2

Anu Tsippor medaha Balak ye Isracel yeneng emoringicngac faka ayemmedacgec, imoc hennegeng andarec.

Bangec kisiu 22:7

Anu Mocaw yeneac ngicenarafocngina nga Midyan yeneac ngicenarafocngina yeni kpefingyoacac bung maringinau mema Bilecam yearu kensikema Balakac yoac imoc edegec.

Bangec kisiu 24:17

Ni henduae amma yofinenggac kpac. Ni kic fima hemba ye wegenac kpac. Yacakow yearunac asomeng mong fingecbesande, ngictauac yasu mong Isracel yenearunac erebesande. Imoc Mocaw tuturunga sasawa medzameyunudacma Set medacfora sasawa kpetotieyunudacbesande.

Bangec kisiu 25:6

Ifi demanu Mose nga Isracelkpebung hafoangoc yeni Kebugoc ewacemeemeac kporucamaac naguu kiacma nammagec isracelngic mongngo yeneac kicfu midyanngac mong dacmunafora yenearu wangecma haec.

Bangec kisiu 31:1

Anu Kebungo Mose yoac yofi edeec,

Bangec kisiu 31:8

Amma yeni imohai ifingoc Ewi, Rekem, Tsur nga Hur amma Rewac, Midyan ngictau faef imoc momoc kpebucyunugec. Amma Becor medaha Bilecam wasaibeangngo ifingoc kpebucgegec.