Bangec kisiu 22:32 - Deduamiti

³² Kebuac angerongo yofi edeec, “Ge nocac donggiga ngagera kpena naso harebec andac? Negennec, ge kicnau yoacna nga sinna kpenadeac bic yombong nedzima kennec, imocac ni singga hedzickebadeac hadua.

Bangec kisiu 22:32 ပူးပေါင်းရင်းမြစ်များ

Mitiyegec 145:9

Kebungo ngicngac sasawa gombunga anemmema marikibifora neneac ubamangang anemmeude.

Mitiyegec 147:9

Yeng yang hania hania yakangina meficgeyemmeude. Neng yeneac medacngina yakaac derecgegec yeng yaka yemmeude.

Mitiyegec 36:6

Tikitoa nangkendae, ifi isoc geac dindingac kekecga ande. Ge yoacfu sing dindingac modacma yoacngina desiyemmeannec, imocngo kondung keme kemea isoc ande. O Kebu, ge ngicngac nga yang hania hania momoc onggongyununade.

Yona 4:11

Anu Ninewe taontoau ngicngac yeneng kana foi mi negentegecdae yeneac kpetengina 120,000 ferahede amma donggiburumakafocngina homac kecdae. Ni yeneac amma ge annec, ifi isocngoc ubahodung kuneng negenduae.”

Mika 6:5

Anu ngicngacfocna warac Mocaw yeneac ngictau Balakngo sicsaucfaka angemmeu Bilecamgac medac Becorngo turunga meremmiec, imoc negensibisia. Amma Sitimnac Gilgal kenggec faka fingerec, imocac negemma Kebu fakaya dindingac, imoc ifingoc negentegecmibisia.”

Bangec kisiu 22:20

Anu Anutungo tofocnac imohai Bilecam yearu hama yofi edeec, “Ngic imoc yeni wangecgubeso hadau isoc yacma yenigoc kenna. Anu neng wiac edegubade, imocsac ambesena.”

Bangec kisiu 22:22

Kenu Anutungo ine herebu negenu Kebuac angerongo kpae heimiudeac negemma singa hedzickema sinnu nanec. Nanu Bilecam ye ine enactofoc tofohofora yenearunac yohockang yereng modarec Bilecamngo donggingageraac witiau tacma kenec.

Bangec kisiu 22:28

Ifi anu Kebungo donggingageraac enara meefaiu Bilecam yoac yofi edeec, “Ni noc wiac mong mangana anggemba ge imoc hemma nuna naso harebec ande?”

Bangec kisiu 22:33

Haba donggingagera ye ni nemma kicnaunac meremma tegiau kenu naso harebec andac. Ye kicnaunac meremma tegiau mi kembac dede ni imohaingoc ge kpebucguma yeac kekeha onggonggebai.”

Bangec kisiu 22:35

Ifi deu Kebuac angerongo Bilecam yoac yofi meremmiec, “Ge ngic yenigoc kenna, nga neng yoac edegubade ge imocsac debesena.” Ifi edeu Bilecam ye Balakac ngictaumedacareng yenigoc kenec.

Aposoro 13:10

“Mangana minginaac medac, ge Kebuac sing dindingac fekende, imocac ngaba seria amma kecna ubagau ikoc nga manganango wake wakea. Ge Kebuac sing dindingac femanu mengbaringgekecnec nasoherec ifi kecma faka imoc mi wanec.