Bangec kisiu 22:18 - Deduamiti

¹⁸ Ifi degec Bilecam ye Balak enactofoc tofohofora yoac yofi merengyemmeec, “Balak ye ameau silwa nga gol wakema febac dede nga imoc neac anudeac deude isoc ni ine sifu Kebu Anutunaac yoac kpema wiac kapia me kuneng naric mi ambade.

Bangec kisiu 22:18 ပူးပေါင်းရင်းမြစ်များ

Danicel 5:17

Ifi deu Danicelngo yoac yofi meremmiec, “Ubangerecgaac wiac nennadeac denec imoc geangga fegenu nga ua meduaac ubangerec wiac imoc ngic goa yemmebesena. Nga ni ine naric eng kibi oho ohoya imoc osogemba negennade amma ngictau ge imocac hania dekperagigembade.

Bangec kisiu 22:19

Amma ngeni ifingoc naric yei femagec Kebungo noc yoac monggoc edenude, imoc negembesare.”

Bangec kisiu 22:38

Ifi deu Bilecamngo yoac yofi meremmiec, “Negennec, ni yaguc gearu haduae nga ni neanna ubanaac yoac mong debadeacsoc mi anduae. Anutungo yoac enacnau faiude imocsac debade.”

Bangec kisiu 22:8

Edegec yofi edeyunuec, “Ngeni tofocnac yei femagec, Kebungo yoac dafi edenuude imoc edengunubade.” Ifi deu Mocaw ngictaumedacareng yeni Bilecamgac amau fegec.

Bangec kisiu 23:26

Ifi deu Bilecam ye yoac yofi meremmiec, “Ni Kebungo yoac edenude, imocsac debade, imoc bic edeguyai.”

Bangec kisiu 24:12

Ifi deu Bilecamngo yofi edeec, “Yoacdedengicfocga nearu sueyununecmoc yeni yofi edeyunuai,

Bangec kisiu 24:13

‘Balak ye ameau silwa nga gol wakema febac dede nga imoc neac anudeac deude isoc ni ine sifu Kebu Anutunaac yoac kpema wiac kapia me kuneng naric mi ambade. Kebungo yoac edenude, imocsac debadeac kucna fede.’

Aposoro 8:20

Ifi deu Petorongo yofi edeec, “Anutuac wosoefac imoc hiedzongo bummebeso negennecac hiedzogagoc ngerahafoc hofeu kemebesera.

Tito 1:16

Yeni Anutu negemmidae, imoc enacnginangosac deficgegecde nga fakanginango ine ye busic kpemigecde. Fakangina mangana imocac amma urumbeso anemmede. Yeni yoac kpekpeareng kecma wiac mong gombunga anganggac siric mi andae.