Bangec kisiu 21:5 - Deduamiti

⁵ Modzongina tiu Anutu nga Mose yereac ubakpekpeyoac yofi deyecmegec, “Ngeri nocac Aigitabangecfunac bangeckisiu homenideac wangecnunu hadape? Yomohai nenedoku mong mi fede nga yaka neandimbe imocac modzonina tiyombonggede.”

Bangec kisiu 21:5 ပူးပေါင်းရင်းမြစ်များ

Mitiyegec 68:6

Anutungo ngicngac dzengong amagerec meficgeyemmeu tosofocnginagoc kecgecde. Ye witicngic witicamaunac mesiyunuu yeneng mama kecma wiac monggac mi obohogecde. Yoackpekpe ngic yeni ine bangec dzangge dzanggeau kecgecde.

Mitiyegec 78:19

yoara kpema degec, “Anutungo bangec gbangge gbanggea yomohai yaka meficgenemmeudeacsoc mi ande, kpac.

Makekeng 14:11

Amma Mose yofi edegec, “Aigitabangecfu kicsere homac fedenoc. Nga ge ine yei bangeckisiu homenideac hesicnununa hading, imoc naric mi ande. Ge nocac ifi amma Aigitabangecfunac wangecnunu hadang.

Makekeng 15:24

Amma ngicngac yeni Moseac ubakpekpeyoac homac demima yofi edegec, “Neni doku dahacnac nenide?”

Makekeng 16:15

Nga Isracelngicngac yeni hemma imoc noc wiacngo ande, imocac obohoma yenaocngoc yofi dekpesi angemegec, “Imoc noc wiac?” Ifi anggec Mosengo yofi edeyunuec, “Imoc icsogong, Kebungo imoc negecdeac faidac.

Makekeng 16:31

Anu Isracelngicngac yeni wiac imocac kpara manyaka kpacgec. Imoc koriandergbomea ifia isoc nga kongac kongac amma negec imoc icsogong efea songea hanifosoc, ifi isoc anec.

Bangec kisiu 11:20

Ngeni imoc nema kecmagec afo mong wisickeu becngasi hesigecde. Makefu yanggac modzongina tiu urumbeso angemmeude. Imoc yofiac, Kebungo botucnginau kecde ngeni ye ubango wama yeac kicfu yofi dema kiacgec, “Neni nocac Aigitabangec wama haing?” ’ ”

Bangec kisiu 16:41

Anu ama wereckenu Isracelkpebung hafoangoc yeni Mose nga Aharon yereac modzotitiyoac homac dema yofi edeyurugec, “Ngerennoc Kebuac ngicngacfora yunuhomedaoc.”

Bangec kisiu 17:12

Ifi anu Isracelngicngac yeni Mose yofi edegec, “Iii, neni yei homema kpac annide, neni sasawango kpac andacnide.

1 Korinti 10:9

Ni monggoc torokpema deba, goa yeneng Kebu faitobang ammigec boidzoc yeneng yinigec homedacgec. Nenang ifingoc Kristo mi tobanggebisina.