Bangec kisiu 20:6 - Deduamiti

⁶ Ifi degec Mose nga Aharon yeri kpebung wayunuma Kebugoc ewacemeemeac kporucamaac naguyau kemma bangecfu kicmesungira hetutuckema feoc. Feec Kebuac kibikperagitoayango yerearu fingectegecma nerarangyuruec.

Bangec kisiu 20:6 ပူးပေါင်းရင်းမြစ်များ

Makekeng 16:10

Anu Aharon ye Isracelkpebung hafoangoc yoac edeyunuma nammanungoc yeni bangec kisiubigeng kic figec kenu Kebuac kuckibikperagia hoeng manau fingeru henggec.

Makekeng 17:4

Ifi degec Mosengo Kebu kpacsambic ammima yofi deec, “Kebu ni ngicngac yomoc dafi ayemmebade? Yeni hocngo nerehomebeso andae, i.”

Bangec kisiu 12:5

Kenggec Kebungo hoeng manau mama kporucama naguyau namma Aharon nga Miryam wegenac kenecdeac kpacyuruu yeri kenoc.

Bangec kisiu 14:10

Ifi edeyurugec ngichabu hafoangoc yeneng ine yofi arohogec, “Hoc mema ukuma yererebeso!” Ifi arohomagec Kebuac kibikperagitoango Isracelngicngac sasawa yeneac kicfu Kebugoc ewacemeemeac kporucamau fingectegeru henggec.

Bangec kisiu 14:5

Ifi degec Mose nga Aharon yeri Isracelac ngichabu hafoangoc kpedzucyunuec nanggec yeneac kicfu kicmesungira bangecfu hetutuckema feoc.

Bangec kisiu 16:19

Nga Kora ye ngichabu hafoangoc yeni modzongina tiudeac yoac edeyunuma kpedzucyunuu yeni Kebugoc ewacemeemeac kporucamaac naguu nanggec. Nammagec Kebuac kibikperagingo ngichabu hafoangoc yeneac kicfu fingectegerec.

Bangec kisiu 16:22

Ifi deu yeri kicmesungirango bangecfu hetutuckema yofi deoc, “O Anutu, gennoc ngicsebigoc sasawa yeneac asunginaac kunengngina. Imocac ngic mocgungo kopocsic meficgeu ngichabu hafoangoc yeneac herebu negennade, imoc mi ngereede.”

Bangec kisiu 16:4

Ifi degec Mose ye imoc negemma kicmesuya bangecfu hetutuckema feec.

Bangec kisiu 16:42

Ifi dema kpebung hafoangoc yeni Mose nga Aharon yereac kicfu kpedzucnema nanggec imohai meremma kicngina figec Kebugoc ewacemeemeac kporucamaubigeng kenec. Kenu henggec hoengngo imoc sememanu Kebuac kibikperagingo kicnginau fingectegerec.

Bangec kisiu 16:45

“Ngeri kpebung yomoc yeneac botucnginaunac meickeec! Ni bic yombong yunuhomeba kpac anggecde.” Ifi deu yeri kicmesungirango bangecfu hetutuckema feoc.

Bangec kisiu 20:7

Nerarangyurumanu Kebungo Mose yofi edeec,

Mataio 26:39

Ifi dema kpesima kemma kicmesuya bangecfu hetutuckema yofi numuec, “Manna, negenna angana andeu ge kpakenec yomoc meickena feracnuu. Amma neac songo kpac, geac songo nga negen negeng imocngo seribeso.”