Bangec kisiu 20:12 - Deduamiti

¹² Anu Kebungo Mose nga Aharon yofi edeyuruec, “Ngeri ni mi negensinnudaoc amma Isracelngicngac yeneac kicfu ni kpetiac anduae imoc mi negensidaoc amma mi negensinggedaoc. Imocac amma ngeri kpebung yomoc hesicyunuma bangec yemmebadeac deai, imocac manau naric mi enecde.”

Bangec kisiu 20:12 ပူးပေါင်းရင်းမြစ်များ

Mitiyegec 106:32

Anu yeni Meriwa dokuu kecma Kebu ngaba ifingoc meficgemigec Mosengo yeneac ebicac amma ebicfu enec.

Mitiyegec 99:8

O Kebu Anutunina, geng ngicngac nunumunginaac turunga merengyemmenec. Ge kopocsic wawa Anutungina amma kopocsicnginaac turunga ifingoc merengyemmenec.

Bangec kisiu 11:15

Ni ifi ambadeac negensinecfu yofinenggacngoc homecfu fainubesena, me neac negenna ngereedeu ebic yomoc meickena kpac anu imoc monggoc mi hembade.”

Bangec kisiu 20:24

“Ngeri Meriwa dokuu yoac edenguruai imoc kpeocac amma Aharon ye yei homema arengfora yenigoc torokpeyunubeso. Ye Isracelngicngac bangec ngemmeai, imohai mi enude.

Bangec kisiu 27:14

Warac Tsin bangeckisiu ngichabu yeneng yoacna kpegec. Tsin bangeckisiu Kades imohai Meriwa doku fede ngeri imohai ngichabu yeneac kicfu namma kpetiac anduae imoc mi mekperagiyemmema waocac ifi fingecgenude.”

Mataio 17:17

Ifi deu Yesungo yofi deec, “Ngicngacareng yomoc ngeni negen negensingngina kpac yombong amma ngeni fakangina sicsauha. Ni naso herea ngenigoc monggoc tacbadeac modzona tide. Ngeni medac nearu mehagec.”

Mataio 17:20

Kpesimigec Yesungo yofi merengyemmeec, “Foracngoc, ngeni negen negensingngina kapianecsac fedeac obohoma wadau. Ngeni negen negensingngina mastet gbomea isoc fengemmeu debac ngeni tiki yomoc naric edegecde, ‘Tiki, ge yomohacnac yacma edimoc kenna.’ Ifi edegec ye kenude. Nga ngeni wiac monggac naric mi obohogecde.

Ruka 1:20

Negennec, yoac deduae, imocac nasoya hau foraya fingerude. Nga ge yoacna imoc mi negensinggedanggac ge yoacga kpac anu ifi kecmana wiac deduaemoc, imocac nasoya hama fingerude. Fingeru wenac imohaingoc yoacgagoc monggoc annade.”

Ruka 1:45

Ngac ye Kebungo yoac edeu imocngo fora fingerudeac negensinggeude, ngac imoc ye kenehagoc.”

Roma 4:20

Ye Anutungo wiac miudeac deseriec, imocac negengyohoc mong mi amma serima negensinggema kecma Anutu afehekefec.

1 Petoro 3:15

Kebu Kristo ye kpetiac, ngeni negen negeng imoc ubaherenginau mekecbisia. Amma gombungangina ngade haude, imocac hania goriangoc kpesingemmegec turunga merenggecdeac nasosoc efaima kecbisia.