Bangec kisiu 2:2 - Deduamiti

² “Isracelngicngac amaarenginasoc yenang dzikacac kpete kibiagoc gununggegec enu tembuc tembuc sasawa yeni kporucamangina imocac bageau kpedzigec enu guru mema Kebugoc ewacemeemeac kporucama yerecgema hereau isoc tackembisia.

Bangec kisiu 2:2 ပူးပေါင်းရင်းမြစ်များ

Mitiyegec 74:4

Ngabafocga yeni amabangecga kpetiacfu hama kunengngoc arohoma yenang onga hania hania ihai faigec tacde.

Mitiyegec 76:11

Ngeni Kebu Anutunginaac kicfu yoacngina deserima imoc modacbisia. Bangec monnunac ngicngac yerecgema kecdae, ngeni Anutuac kengec amma ubangerec wiac mehama mibisia.

Dzekarya 9:16

Naso imoc Kebu Anutunginango ngicngacfora komoc kpeyemmeudeac naso amma rama isoc yenenggareng ayemmebesande. Anu yeni ira witiau hoc buma kunengngo pirac pirac amma kperagiande, ifi isoc kperagima bangeha mekperagibesandae.

Bangec kisiu 1:50

Ge ine yeni uayoac yofi yemmebesena, yeni Kebungo wiac heigboringemmekecduaeac kporucwomong wiahagoc amma uaac wiaha sasawa imoc garenggema kecbisia. Yeni kporucwomong nga imocac manau wiaha sasawa imocsac tofohodacbisia amma imocac uayasac mema kecbisia. Amma yeni kporucamangina kpedzima guru mema kporucwomong yerecgema tackembisia.

Bangec kisiu 10:14

imohai Yehudaac kisicfora yeneng waraima efaima yacma kporucamangina meickema bangec imoc wama kporucamahabunginaac kpetengina taima tofohogec wasaihabufocnginausoc modacyunuma kendacgec. Naheson, Amminadaw medaha, yeng wasaihabu imocac enara meyemmeec.

Bangec kisiu 10:18

Nga Recuwenggac kisicfora yeni yeneac ngadeu efaima yacma kporucamangina meickema kporucamahabunginaac kpetengina taima tofohogec imocac bageau kemma bangec imoc wama wasaihabufocnginasoc modacma kendacgec. Imoc Elitsur, Sedecur medaha, yeng enara meyemmeec.

Bangec kisiu 10:22

Nga Efrayim kisicfora yeni yeneac ngadenginau kpetengina taima tofohogec efaima kporucamangina meickema mekemma kporucamabangec wama kpetenginaac bageau wasaihabufocnginasoc modacma kendacgec. Ammihud medaha Elisamacngo enara meyemmemanu kenggec.

Bangec kisiu 10:25

Anu wisic wisickeau Dan kisicfora yeni efaima yacma kporucamangina meickema kporucamahabunginaac kpetengina taima tofohoma wasaihabufocnginasoc imoc modacma wama kenggec. Amma yeni kporucamahabu sasawa ngadenginau kemma garengyunugec. Ammisaddai medaha Ahicedzerngo, enara meyemmemanu kenggec.

Bangec kisiu 2:1

Kebungo Mose nga Aharon yoac yomoc edeyuruec,

Bangec kisiu 2:10

Sautbigeng imohai Recuwenggac kporucamahabu yeni kpetengina kibiagoc gununggegec embeso. Enu ngicngac kporucamangina imocac bageau kpedzigec enu guru mema wasaihabufocnginasoc modacma ihai tackembisia. Anu areng yomoc yeni yeneac kpetenginaac bageau wasaingichabunginaacsoc takecbisia.” Yeneac arennu kisicngina nga ngicenarafocnginasoc imoc yofi: Kisic ngicenara kpetengina Recuwen, Sedecur medaha Elitsur, 46 500 Simecon, Tsurisaddai medaha Selumicel, 59 300 Gad, Recucel medaha Elyasaf, 45 650 Kpeturanggeu 151 450 “Anu kenggecdesoc areng imoc yeneng efaima arenggoc Yehudaac habu yeneac ngadenginau kengkecbisia.

Bangec kisiu 2:3

Imocac hoangau, wenac ere ereaubigeng yai Yehudaac habu yeni enara kecma kpetengina kibinginagoc gununggegec enu ngicngac yeni kporucamangina imocac bageau kpedzima wasaihabufocnginasoc modacma guru mema tackembisia.” Yeneac arennu kisicngina nga ngicenarafocnginasoc imoc yofi: Kisic ngicenara kpetengina Yehuda, Amminadaw medaha Naheson, 74 600 Yissaskar, Tsucacar medaha Netanecel, 54 400 Dzewulun, Helon medaha Elicaw, 57 400 Kpeturanggeu 186 400 “Kenggecde naso imohai habu imoc yenennoc efaima waraima arenggoc hanahema kengkecbisia.

Bangec kisiu 24:2

Fima henu Isracel yeni kisicfocnginasoc modacma guru mema kporucamanginau tacyac anggec. Ifi henu Anutuac Asungo yeac witiu maec.

1 Korinti 14:33

Anutu ye sicsaucac Anutu kpac, ye ua arengagoc mema ruaea meficgeande. Kpebung kpetiac, imocac manau ngac yeni yoacngina waickema kecandae, ifi isoc

1 Korinti 14:40

Nga ngeni wiac sasawa sirihau nga arengagoc ambisia.

Firipi 1:27

Ni hama ngenembade me hereau kecma ngeneac yoacsiduc yofi negembeso anduae, ngeni ongaasu mocgu nga ubahere mocgu kecma ngabafocngina yeneac mong mi kengecngunumanu serima namma yeni siduc gombung negensinggegecdeac ewema kpendzenggoc uatoa mekecdae. Imoc fingerudeac ngeni Kristoac siduc gombung imocac sirihau kecbisia. Faka imocngo ngabafocngina yofi edzacyunuude: Yeni manganema kpac anggecde nga ngeni ine komoc kpegecde.

Kolosai 2:19

Areng ifia yeni kpebunggac oruha Kristo wama kecandae. Yearunac sic ginonnina mama sebinina kpeturanggema nanggeande. Ifi anu Anutuarunac yadi yadi mekecdimbe.