Bangec kisiu 19:16 - Deduamiti

¹⁶ Nga ngicngac mocgu mocgu sasawa yeni kateu kemma ngic me ngac mong wasaibeangngo kpebuc kpebucgea me sing monnu homeu henu bangec witiau feu farenga kpesereudeu me ngicsic me kicsere kpesereudeu ye ifingoc Kebuac hehenu wonongagoc amma kecmanu wenac sewen wisickebeso.

Bangec kisiu 19:16 ပူးပေါင်းရင်းမြစ်များ

Bangec kisiu 19:11

Mong ye fareng mong meude me kpesereudeu ye Kebuac hehenu wonongagoc amma kecmanu wenac sewen wisickebeso.

Bangec kisiu 19:15

Amma terabokong nganoc sasawa tapangina kpac imohai tacdae, imoc ifingoc Kebuac hehenu wonongnginagoc amma tacdacbisia.

Bangec kisiu 31:19

Amma ngeni kporucamabangectoaninaac ngadeau tacyac angkecmagec wenac sewen wisickebeso. Nga ngic tembuc tembuc sasawango ngic kpebucyunugec me dzikacfu homegec farengngina kpeseregec ngeni momoc sasawa wenac kpete harebec nga sewen imohai ngenang nga witicyunuma meyunugec ngeni kongaha anggecdeac faka fede imoc modacbisia.

Bangec kisiu 5:2

“Ge Isracelngicngac yofi dederecge ayemmena, yeni ngicngac leprahafeinginagoc nga sebidokungina maande nga fareng kpeseregec imoc yeni Kebuac hehenu wonongnginagoc amma kecdae, yeni sasawa tembuc tembuc sueyunuma kporucamahabuu kekecnginaunac meicyunugec ngadeau kemema kecbisia.

Bangec kisiu 6:6

Amma ye Kebuac amma desiemema yeac areng kefude, naso imohai fareng monggac wegenac mi kembeso.

Bangec kisiu 9:6

Anu goa yeni fareng kpeserema Kebuac hehenu wonongnginagoc amma kecgecac wenac imohai onggoc onggongge nasotoangina imoc negensima tacgecdeac osigec. Osima wenac imohaingoc Mose nga Aharon yerearu kemma

Mataio 23:27

Mitiac negen negengngic nga farisaio ngeni yofi negenggec, kicsere imoc homemea seucnginagoc nga sicngo wake wakea fede, imoc kibiagoc anudeac ngeni kicsereac simeng weroc nadzicandae. Nga ngeni ubaherenginau nga sebinginau siriha ifia amma kecdae.

Ruka 11:44

Kicsere esea mong wiaha kpac ngic yeneng mi negemma eng witiau kengha andae, ngeni kicsere ifia isoc kecdae, imocac ngeni sowecnginagoc.”