Bangec kisiu 18:7 - Deduamiti

⁷ Amma ge nga medacfocga ngenengsac ine womonggareng uangina mema aratau nga kporucamaac mana kpetiac kporuc manau fede, imocac ua sasawa mema kecbisia. Womonggarenggac ua imoc sese isoc ngeni ngemmeduae. Anu ngic mongngo ua imoc mi meudeac dedea, yeng dederecgeyoacna ferahema ua imoc meudeac haudeu ye homecfu faibeso.”

Bangec kisiu 18:7 ပူးပေါင်းရင်းမြစ်များ

Mitiyegec 115:10

O Aharonggac ama areng, ngeni Kebu negenserima kecbisia, yennoc ngeneac memefic nga kasongina.

Makekeng 28:1

Ge Isracelngicngac yeneac botucfunac dacga Aharon nga medacfora Nadaw, Awihu nga Elecadzar amma Itamar edeyununa yeni gearu hama neac womonggareng amma uana mekecbisia.

Makekeng 29:9

Kemeu Aharon nga medacfora fadeng dzegeyemmema du heiyemmena kemebeso. Anu womonggareng ua imoc yeneac ua yombong anude imoc singseringina amma nasoya nasoya feengkecbeso. Ge ifi amma womonggareng ua Aharon nga medacfora maringinau faibesena.

Bangec kisiu 1:51

Nga yeni kporucamabangec mong wama kporucwomong mema bangec monnu mekembeso negenggec, imohai Lewiac kisicarengfora yenengsac kporucwomonggac wiac sasawa kpedzucnema tofoho kembisia amma yenengngoc kporucwomong monggoc kpedzigec emma nambeso. Anu ngic mongngo imocac wegenahau haudeu ye homecfu faibeso.

Bangec kisiu 16:40

Anu Isracelngicngac yeni faka imoc hemma yofi negensima kecgecdeac ifi anggec, kuricngic mong me ngic mong ye Aharonggac fingecsaheunac mi anudeu ye hosuc homungkereng mehama Kebuac kicfu mi ohobeso. Ngic mongngo Kora nga yeac habu isoc ambacac, ifi anggec. Anu Elecadzar ye Kebungo Mose edeec ifi isoc yombong andarec.

Bangec kisiu 18:20

Anu Kebungo torokpema Aharon yoac yofi edeec, “Ge yeneac bangecfu bangecgagoc mi annade nga bangec noboha mong mi hendzicma genggecde. Nga Isracelngicngac yeneac botucnginau neng geac wiac hendzic hendzira nganoc amma kecbade.

Bangec kisiu 18:3

Amma yeni geac ua nga kporucamaac ua sasawa imoc mema kecbisia. Ifi kecma yeni nga ngeni ngenahafoc homebauac uaac wiacgedanga kpetiac nga arata imocac wegenahau mi habisia, imoc kpaeyagoc.

Bangec kisiu 3:10

Anu ge Aharon nga medacfora yeni womonggareng ua megecdeac faiyunubesena nga ngic mongngo ua imoc meudeac mewegenema haudeu ye homecfu faibesonga.”

Bangec kisiu 3:38

Anu Kebugoc ewacemeemeac kporucamaac hoangau wenac ere ereaubigeng, kporucwomong hoangaubigeng yombong imohai Mose nga Aharon amma Aharon medacfora yeni kporucamangina kpedzigec enu guru mema takecgec. Amma yeni ihai tacma Isracelngicngac yeneac enac mema kpetiac amau ua mema kecgec, yeni nga uangina garengyunukecgec. Anu ngictehecngo wiac kpetiacac wegenahau haude isoc singngina yofi feec, ye homecfu faibeso.

Mataio 10:8

Ifi dekperagiyemmemma ngicngac hafeigoc mengereyunuma homemea megboriyunubisia nga kukuserigoc sebingina ngereeudeac mengereyunuma hadehade nga yafing kporacyunubisia. Ni kuc imoc ubangerecac nga buma kpac ngemmedua, imocac amma ngeni ubangerecac nga buma kpac memefic imoc yemmebisia.

Yohane 3:27

Ifi degec Yohanengo yofi merengyemmeec, “Anutungo kurumennunac wiac mi miudeu ngicngo imoc naric mi meude.

Efeso 3:8

Anutungo ubangerec anenu Kristoaru semengtoa fefea fede, imocac siduha ngicngac bangec monnunac Anutu mi negemmidae, yenearu dekperagiyemmebadeac ua imoc denenec. Ni ngic kpetiac sasawa yenearunac mameanec nga yeng sifu ifi anenec.

Hebiraio 5:4

Amma ngic mongngo womonggarengtoaac tatac yengena ubeaac naric mi meude. Anutungo Arong kpacma womonggarengtoa uayoac miec, ifi isocngoc Anutungo womonggarengtoa sasawa kpacyunuma uayoac yemmeande.

1 Petoro 5:2

Anutuac habungo ngeneac botucfu kecdae, ngeni yeni gombunga garengyunuma ubaebicfu ua mi mebisia, ngeni ubangerecgoc ua megec Anutungo negenu ngereeude. Amma ngeni hiedzonginagoc anggecdeac ua imoc mi mebisia. Ngeni uangina imoc mamangkima mekecbisia.

1 Petoro 5:3

Anutungo kpebung ngemmeec, imoc yeneac engenangina isoc mi kecbisia. Ngeni faka gombunga kpebung edzacyunugec, yeni imoc hemma modacbisia.