Bangec kisiu 18:30 - Deduamiti

³⁰ Imocac yofi edeyunubesena, ‘Ngeni wiacngina imohacnac gombunga yombong migecde wiac imocac negenggec Lewingic yeneac witseuc meic meickea manaunac foraya isoc nga waing tidzoc tidzoho tennunac foraya isoc ambeso.

Bangec kisiu 18:30 ပူးပေါင်းရင်းမြစ်များ

Fingec fingec 43:11

Ifi deu mangngina Isracelngo yofi dema edeyunuec, “Ifi ambesonga dedaeu ine yofi ambisia, bangec yomohai wiac goa fingecande imohacnac wiac goa gombunga gombunga meisinggema torunginau banima mema kemma ngic imoc mibisia. Imoc kerec homuna gombunga, hani, icsopea homuna gombunga, mandari icac sopea homuna gombunga amma pistakio nga almond icgbomea mekembisia.

Fingec fingec 50:10

Anu yeni kengkecma Atad wit seuha meic meickeac sobeng Yarden doku edibigengau fede imohai kensikema songgonggac faka modacma kiac ubamangang kuneng yombong anggec. Nga Yosef ye mamaac amma kiackefu uameme seweng wisickeec.

Makekeng 29:27

Anu ge mondacac fusia miacma fendzonggegec sese denec nga tabuyaac sese fendzonggegecdeac dedea imoc kpetiac anudeac desibesena. Womonggareng uau deserigecac ramangiwaac tabuya fendzonggegea nga wiac sese dema faifaia noboha imocngo Aharon nga medacfora yeneac ambeso.

Malecaki 1:8

Ngeni sese ohogecdeac ramaburumaka kicpisic me hanimangang me hafeiagoc ifia faigecdeu imoc sing sege segea ande. Ngeni ramaburumaka ifia gawananginaac faigecdeu ye imocac songo mong mi negenude amma imocac ubangerec mong naric mi dengemmeude.

Bangec kisiu 18:29

Wiac sasawa ngemmegecde, imohacnac sesengina gombunga yombong nga kpetiac ande imoc ngeneac sese dema Kebuac wiac andeac ye mibisia.’

Bangec kisiu 18:31

Amma imoc ngeneng Kebugoc ewacemeemeac kporucamau ua mekecdaeac uanginaac buma anudeac ge nga amaarengfocga ngeni ihai me ihai nebeso dema naric nebisia.

Mataio 6:33

Imocac ngeni warac warac yombong Anutuac eucerereng nga yeac faka dindingac meficgegecdeac uatoa mebisia. Ngeni ifi anggec yeng wiac sasawa imocnoc ifingoc torokpeu torokpe ngemmeude.