Bangec kisiu 18:11 - Deduamiti

¹¹ Nga seseunac sese yofi imoc ngeneac anudengoc, Isracelngicngac yeneac sese sasawa fendzonggeandae imoc desiba ge nga naroangmedacfocga ngeneac wiac anude. Imoc nasoya nasoya ifi ammanu ngeni imoc amaarengnginau ngicngac tembuc tembuc sasawango Kebuac hehenu kongaha kecdae, yeneng imoc naric nebisia.

Bangec kisiu 18:11 ပူးပေါင်းရင်းမြစ်များ

Bangec kisiu 18:1

Kebungo Aharon yoac yofi edeec, “Kpetiac amaac manau faka nga angammeme mangana anggecde nga womonggareng ua mekecdae ngeneac botucnginau faka nga angammeme mangana anggecde, ebic imocngo ge nga medacfocga amma geac manggaac fingecsahe yeni gegoc tofohobisia.

Bangec kisiu 18:10

Ammanu ngeni tatac kpetiac nga kpataning yombong desigecde imohai tacma wiac imoc nekecbisia. Ngeni imocac negenggec wiac kpetiac anu ngicfocga sasawango imoc nema kecbisia.

Bangec kisiu 18:19

Nga Isracelngicngac yeni wiac sasawa Kebuac sese kpetiac dema faigecde imoc ge nga naroangmedacfocga ngeni ngemmeduae. Imoc desiba nasoya nasoya ngeneac wiac anude. Dzadzahac kondungagoc imocngo Kebu neac kicfu gearu nga geac fingecsahegau fefeseri feengkecbesande.”

Bangec kisiu 18:8

Anu Kebungo torokpema Aharon yofi edeec, “Ni neannaoc Isracelngicngac sese nenggecde imoc garenggenadeac faiguai. Yeneng sese kpetiac nenggecde imoc garenggegecdeac ua imoc ngeneac wiac anudeac ngemmeduae imoc ngeni nga nambaracfocngina yeneac ua nasoya nasoya feengkecbeso.