1 Kebungo Mose yoac yofi edeec,
Nga hafei homectoayagoc imoc kpac anu Aharon ye dzigenema Kebugoc ewacemeemeac kporucamaac naguu Mosearu kenec.
“Ge Isracelngicngac yoac yofi edeyununa, ‘Ngeni kisicfocngina yeneac kpacngina modacma yasu mocgu mocgu mehabisia. Kisicnginaac enarafocngina sasawango mocgu mocgu faigec twelf ambeso!’ Faigec geng yasunginasoc menade imohai kpacngina mendzicbesena.
