Bangec kisiu 16:5 - Deduamiti

⁵ Fema yacma Kora nga habufora sasawa yofi edeyunuec, “Wereckenu Kebungo ngic damocngo yeac areng ande nga merang yeac kpetiacngic ande amma ngic merac meisinggeu yengena hoannu naric kenude, imoc dekperaginemmeude. Yeng ngic meisinggeu yeng naric yeac hoannu hama kefude.

Bangec kisiu 16:5 ပူးပေါင်းရင်းမြစ်များ

Mitiyegec 105:26

Ifi anggec Kebungo kingang ngiha Mose suema Aharon ifingoc meisinggeu

Mitiyegec 115:10

O Aharonggac ama areng, ngeni Kebu negenserima kecbisia, yennoc ngeneac memefic nga kasongina.

Mitiyegec 65:4

Geng ngic mong meisinggema hoanggema wangecna womonggau kefudeac haude, ngic imoc ye kenehagoc. Neni geac amaac nga womong kpetiacac gombungagoc kecni gebecnunuu kecnide.

Makekeng 28:1

Ge Isracelngicngac yeneac botucfunac dacga Aharon nga medacfora Nadaw, Awihu nga Elecadzar amma Itamar edeyununa yeni gearu hama neac womonggareng amma uana mekecbisia.

Makekeng 28:41

Heigec kemeu kerecdokungo nadzicyemmena yeni neac womonggareng ua megecdeac deseriyemmebesena amma yeni kpetiac anggecdeac desiyunubesena.

Makekeng 28:43

Anu Aharon nga medacfora yeni Kebugoc ewacemeemeac kporucamau kenggecdesoc me womonggareng ua megecdeac arata mewegenegecde, naso imohai dzei imoc heima kengkecbisia. Yeni kopocsicac turung mema homebauac ifi angkecbisia. Singseria imoc Aharon nga fingecsahea fingecenggecdesoc yenearu feengkecbeso.

Malecaki 3:18

Amma damoc yeneng kenecnginagoc imoc ngicngac dindingac me ngicngac mangana yeni Anutuac ua mekecdae me yeni yeac ua waandae ngeni imoc monggoc hensigecde.” Kurumenggac wasaiareng habuya habuya yeneac Kebungo yoac ifi dede.

Bangec kisiu 16:3

Modacyunugec yeni kpedzucnema Mose nga Aharon yerearu kemma yofi edeyurugec, “Neni ngereac fakangiraac modzonina tide! Ngichabu hafoangoc yeni kpetiac, yeni sasawango kpetiac kecdae anu Kebungo botucnginau kecde. Ngeri ine nocac ngeranggac negenec engena anu Kebuac kpebungfora yeneac negenec mamea ande?”

Bangec kisiu 16:6

Imocac amma Kora ge nga habufocga ngeni wereckenu hosuc gerecac tera mema nambisia.

Bangec kisiu 17:5

Femagec ngic meisinggebade yeac yasungo sera kpeu Isracelngicngac yeni imoc hemma ubakpekpeyoac dengecmema kecdae imoc wadacgecde.”

Bangec kisiu 17:8

Femagec ama wereckenu Mose ye Kebungo wiac heigboringemmekecduaeac kporucamau enec. Emma henu Lewiac kisic modacma Aharonggac yasu faiec, imocngo mariagoc anec nga dzuria hanahema ereec nga dzuria kpema feec amma almond fora anec.

Yohane 15:16

Anu ngeni neac kpacfu wiac monggac kpesigec Manggacngo imoc ngemmeudeac amma neng meisingngunuai. Ngeneng ine ni mi meisinnugec, kpac. Meisingngunuma fora meficgegecdeac uau faingunuai. Nga ngeni kemma fora meficgebisia. Meficgegec fora imocngo fefeseri feengkefude.

Aposoro 1:2

Ye uaya mekengkefu nasoya wegene haec imohai Tiri Asuac kucfu aposoro warac meisingyunuec, yeni uaareng dederecge ayemmema kurumennu enec, imocac siducnoc ohodarai.

Aposoro 1:24

Meficyuruma yofi dema numugec, “O, Kebu ubaheheng mingina, ge ngic yohockang yoc yerearunac daoc meisinggema edzacnununa henni.

Aposoro 13:2

Anu yeni naso monnu yakasege kecma Kebu afehegecdeac kpedzucnema kecgec Tiri Asungo yoac yofi edeyunuec, “Banaba nga Sauro yeri neac ua meecdeac kpacyuruma ua yemerai, ngeni imoc meecdeac desiyecmegec.”

Aposoro 15:7

Yoacua mekecma Petorongo yacma yofi deec, “Tosofocna, bangec monnunac ngicngac, yeni neac enacfunac siduc gombung negemma negensinggegecdeac Anutungo warac nenang botucfunac meisinnuec, imoc negendae.

Aposoro 22:14

Ifi dema yoac yofi edenuec, ‘Kisicfocnina yeneac Anutu, yeng uaya mena dema edeedzacgu anu geng Dindingac mingina hemma yeac enacfunac yoac negennadeac meisingguec.

Efeso 2:13

Ngeni warac araing kecgec amma naso yofinenggac Yesu Kristogoc kpeturanggema kecdae. Nga Kristoac sawango wangecngunuu Anutuac hoannu sikedacma kecdae.

2 Timoteo 2:19

Anu Anutungo wotung seria faiu kemeec nande, imoc goroc goroc naric mi anude. Imohai yoac yofi oho ohoya fede, “Kebungo ngicngacfora negengyunuude.” (Bki 16:5 Septuaginta mitikibiunac.) Nga mong yofi, “Ngicngac Kebuac kpac kpacandae, yeni faka nga angammeme kopocsicgoc, imoc sasawa wama araing kecbisia.”

Hebiraio 12:14

Ngeni kpetiac kekec mi kecgecdeu Kebu naric mi henggecde, imocac ngeni ngicngac sasawa yenigoc ruae nga kpetiac kecgecdeac uatoa mebisia.

Yohaneac kpefing 1:6

Mesinunuma eucererenggac habu menunuma yegoc arennunuu nenang yeac Anutu nga Mamaac kurumenggac womonggareng amma kecnide, imocac ifi anec. Yearu kibikperagi nga kuc imoc wisic wisickea kpac fekengkecbeso, imoc fora.