Bangec kisiu 16:13 - Deduamiti

¹³ Ge bangec namu nga hanifosoc wake wakea imohacnac hesicnunuma bangec kisi yomohai homenideac menunuma hanec. Nga imoc negenna wiac mamea anu geng enaratatac mema enaranina yombong annadeac denec.

Bangec kisiu 16:13 ပူးပေါင်းရင်းမြစ်များ

Makekeng 1:11

Ifi deu ua megecdeac keracnatang mangana yeneac bageau faiyunugec yeni kpendzengtoa kpema kecgecdeac negemma ua ebira yombong megecdeac ngombongyunugec. Ngombongyunugec yeneng Parecoac kpounecac taontoa yohockang, Pitom nga Racamses meyurugec.

Makekeng 1:22

Ifi anu Parecongo ngicngacfora sasawa dederecge yofi ayemmeec, “Hebiraiongic yeneac medacfocngina fingecgecdesoc ngeni Nilidokuu ukuyunugec kemedacbisia nga naroang yeni ine onggongyunubisia. Yeni naric kecbisia.”

Makekeng 16:3

yofi edeyurugec, “Neni Aigitabangecfu kecmina Kebuac maringo nunuu homeni ngereebac. Ihai birikenninau yang ohoma tacma yaka homac fenemmeu negebec amma kefing. Nga ngeri nocac yeac kpebung hafoangoc yomoc neni yakaac homema kecma homedacnideac bangec kisi yomohai wangecnunuec hama kecdimbe.”

Makekeng 17:3

Nga ngicngac yeni imohai dokuac homac ayemmeecac Mose ubakpekpeyoac demima edegec, “Ge Aigitabangecfunac meicnunuma neni nga naroangmedacfocnina nga ramaburumakafocnina momoc sasawa wangecnunu hana yei dokuac homebeso andimbe, imoc mi ngereede.”

Makekeng 2:14

Ifi deu yeng yoac yofi meremmiec, “Mongngo ge neneac desidesingic me ngickuneng mi faiguec, kpac. Ge aigitangic kpehomedang, ifi isoc mi kpebucnuna.” Ifi deu Mosengo kengectoa kpeu yofi negenec, “Fora, faka andua imoc bic negendacdau.”

Makekeng 2:23

Anu ye kifa homac ihai kecmanu Aigita ngictau homeec. Anu Isracelngicngac yeni ine wanacngic kecma uangina kpendzenggoc mema kecma kiacubamangang amma Anutungo meficyunuma kpendzengnginaunac yungecyunuudeac kpacsambic ammima kecmagec kpakpacnginango yearu enec.

Bangec kisiu 11:20

Ngeni imoc nema kecmagec afo mong wisickeu becngasi hesigecde. Makefu yanggac modzongina tiu urumbeso angemmeude. Imoc yofiac, Kebungo botucnginau kecde ngeni ye ubango wama yeac kicfu yofi dema kiacgec, “Neni nocac Aigitabangec wama haing?” ’ ”

Bangec kisiu 11:4

Anu Isracel yeneac botucnginau ngicngacareng hania hania yeni yenearu torokpema kecgec, yeneng kekecngina efaudeac ngombongyunuma hodzinggegec. Hodzinggegec Isracelngicngac yeni ifingoc kiacma yofi degec, “Wiac fusingina songeagoc nenideac meficgenemmebisia!

Bangec kisiu 11:5

Neni Aigitabangecfu kondungyang buma kpac eng mema nekefing nga sakpoc, wotamelen, laki nga aniang kambac kambac sacsac amma korucaniang negenni fede.

Bangec kisiu 13:27

Edzacyunuma Mose yofi edegec, “Ge suenununec neni bangec imohai kensikeing. Fora yombong, bangec imohai namu nga hanifosoc doku isoc hakecde amma imocac icgbomeaac foraya yomoc.

Bangec kisiu 14:2

Nga Isracelngicngac sasawa nga ngichabu hafoangoc yeni Mose nga Aharon yereac ubakpekpeyoac yofi deyecmegec, “Neni Aigitabangecfu kecma homebing imoc ngereebac! Me bangec kisi yomohai homebing imocngo naric ambac!

Bangec kisiu 14:3

Nga Kebungo nocac neni hesicnunuma kenu bangec yomohai dzikacac beangngo nunugec homenide nga enemmedacfocnina wangecnunuma meyunuma kenggecde. Imocac neni Aigitabangecfu dzigenema kennide, imocngo negenni naric anude.”

Bangec kisiu 16:12

Ifi dema Elicaw medachora Datan nga Awiram yearu haecdeac yoac fau kenu edeyurugec yeri yofi deoc, “Neri mi eredede, wadipe.

Ruka 19:14

Nga ngic yeac ama mocgufora, yeneng ine ye ubango ukugec. Ifi anu ye kenu ngic goa yofi dema edeyunuma sueyunugec kenggec, ‘Yeng neneac ngictau kefudeac songo mi negendimbe.’

Aposoro 7:35

“Ngic yeneng Moseac yoac wama yofi degec, ‘Mongngo ge desidesingic me ngickuneng mi faiguec, kpac.’ (Mke 2:14) Anutungo ngic yenoc israengic yeneac enarameme nga mesi mesingicngina anudeac dema angero sueu gerecborang manau fingecmima ua imoc demiec.