Bangec kisiu 15:3 - Deduamiti

³ naso imohai dedeseringina meserigecdeac negembesandae me ubangerecac sese faigecdeac negembesandae me nasotoanginaac sese mong faigecdeac negembesandaeac gerecfu sese me sesegerec hafoangoc oho ohoya faibesandae imocngo homuna gombunga fiu Kebungo imoc hemma negenu ngereeudeac rama me burumakahabunginaunac yeac sese mong houma faigecdeac negendae imohai yofi ambisia.

Bangec kisiu 15:3 ပူးပေါင်းရင်းမြစ်များ

Fingec fingec 8:21

Anu Kebungo hosuc homung songeagoc imocnegemma negen negengau yofi negenec, “Bangecngicngac yenisebigboringinaunacngoc ubaherenginau negen negengnginangomangana negensima kecgecde. Ni yeneac amma bangec monggocmi soweckebade. Anu wiac kekecnginagoc sasawa yunuba homegec ifi isoc monggoc mi ambade.

Mitiyegec 54:6

O Kebu, ni ubaefac amma geac sese megembade. Ge kpacga gombunga, imocac geac kpac kuneng heiwayong memibade.

Makekeng 29:18

Faima imoc hafoangoc aratau faina dzedacbeso. Imoc Kebuac sesegerec amma ye homuna gombunga yombong negenu ngereeudeac amma sese imoc gerecfu faina dzema Kebuaru kembeso.

Makekeng 29:25

Ifi anggec ge imoc maringinaunac monggoc mema imocngo sesegerecac witiau aratau faina hafoangoc dzebeso. Imoc Kebuac kicfu homungkerengagoc amma imocngo gerecfu dzema Kebuaru kemma sesegerec gombunga ambeso.

Makekeng 29:41

Amma rama mong imoc ama marai anu sese dema faibesena. Imoc asoacac seseac yaka nga seseac doku faidang ifi faima mekic mekiriac homungkerenga anudeac imocngo hafoangoc dzeu Kebuaru kemma yeac sesegerec ambeso.

Bangec kisiu 28:27

Anu sesegerec hafoangoc ohogec homuna gombunga fiu Kebungo homuna negemma negenu ngereeudeac wiac yofi mehabisia, burumakangiwa yohockang kifangira mocgu angana nga ramangiwa mong amma ramangiwa medaha sewen kifangina mocgu angana faibisia.

Bangec kisiu 29:8

Amma sesegerec hafoangoc oho ohoya imoc yofi ohogec homuna gombunga fiu Kebungo homunaac negenu ngereebeso. Ngeni burumakangiwa mocgu kifaya mocgu angana nga ramangiwa mong amma ramamedaha sewen kifangina mocgu angana amma sebingina soronga yombong nga puringa kpac, sese imoc faikecbisia.

Bangec kisiu 6:15

Amma wiac yofi torokpema faibeso, icsogong aenga kpac sakac mocgu, icsogong uha gombunga yombong nga kerecdokugoc yerec yerecgea ifi memea, nga icsebera aenga kpac kerecdokungo hoso hosoya amma seseac yaka nga dokuya dedea imoc ifingoc faibeso.

Mataio 3:17

Mamanu kurumennunac ubaudumeng mongngo yofi deec, “Yomoc songomedacna, ye hensongo ammiduae.”

2 Korinti 2:15

Kristogoc kpeketahema kecni sebihomunnina gombunga Anutuaru enude. Ngicngac komoc kpegecde, yeneac botucfu imocngo homuna gombunga kekehagoc amma kekec yemmeude. Nga hofeac sing modacandae, imoc yeneac botucfu ine hoachomung kpedzini imocngo homec yemmeude. Tembucnina ua imoc naric mi mebing, kpac. Kristogoc kpeketahema kecni ifi fingerude.

Efeso 5:2

Kristo ye ifingoc heresongogoc hoannunuma yengena sebia desiemema sese imoc Anutuaru mekemma nenanggac donina mema homeec. Sese imocngo homung kerengagoc amma Anutuaru enec. Nga ngeni onga imoc modacma heresongogoc hoangemema kecbisia.

Firipi 4:18

Epafoditongo wiac goa ngenearunac mehaecac wiac monggac mi oboho kecba wiacna ebiriangoc fede. Nga wiac imocngo homung kerengagoc amma sese songea, Anutungo imoc henu ngereede.