Bangec kisiu 14:2 - Deduamiti

² Nga Isracelngicngac sasawa nga ngichabu hafoangoc yeni Mose nga Aharon yereac ubakpekpeyoac yofi deyecmegec, “Neni Aigitabangecfu kecma homebing imoc ngereebac! Me bangec kisi yomohai homebing imocngo naric ambac!

Bangec kisiu 14:2 ပူးပေါင်းရင်းမြစ်များ

Mitiyegec 106:24

Anutungo yoac deserima deu yeneng imoc mi negensinggema bangec gombunga yemmeu megecdeac dedea, imoc ngadehegec.

Mitiyegec 106:25

Yeni kporucamanginau Anutuac pandzeng kpouma tacma Kebuac ubaudumeng negemma imoc mi tofohogec.

Mitiyegec 106:45

Ye warac dzadzahac yenigoc meec, imoc yeneac amma negenu feec. Yeng yoac dedzege amma imoc modackecde, imocngo efea kpac femideac amma yeneac ubamangang negengkefec.

Makekeng 14:11

Amma Mose yofi edegec, “Aigitabangecfu kicsere homac fedenoc. Nga ge ine yei bangeckisiu homenideac hesicnununa hading, imoc naric mi ande. Ge nocac ifi amma Aigitabangecfunac wangecnunu hadang.

Makekeng 15:24

Amma ngicngac yeni Moseac ubakpekpeyoac homac demima yofi edegec, “Neni doku dahacnac nenide?”

Makekeng 17:3

Nga ngicngac yeni imohai dokuac homac ayemmeecac Mose ubakpekpeyoac demima edegec, “Ge Aigitabangecfunac meicnunuma neni nga naroangmedacfocnina nga ramaburumakafocnina momoc sasawa wangecnunu hana yei dokuac homebeso andimbe, imoc mi ngereede.”

Yona 4:3

Imocac amma ni gbori kekec wama homebadengo naric anudeac Kebu ge kekecna nearunac meickena.”

Yona 4:8

Nga ama wereckenu wenac ereu Anutungo firang gerea meficgeu wenac ere ereaunac hama Yonaac oruhau yombong kpekecfu Yona ye kiwa gigiu homebeso ammiu yofi deec, “Gbori kekecacsoc mi anende, homebadengo ngereeyombonggebac.”

Bangec kisiu 11:1

Ngicngac yeni naso imohai hanahema Kebuac modzotitiyoac yofi dekecgec, “Ebic hania hania fingecnemmema kecde.” Nga yoac imocngo Kebuac kedzahau kemeu negemma herea buyombonggeu yeng gerec deu botucnginau fingecma dzema kporucamabangecnginaac tegiau kecgec, yeni yonohoec.

Bangec kisiu 11:15

Ni ifi ambadeac negensinecfu yofinenggacngoc homecfu fainubesena, me neac negenna ngereedeu ebic yomoc meickena kpac anu imoc monggoc mi hembade.”

Bangec kisiu 11:5

Neni Aigitabangecfu kondungyang buma kpac eng mema nekefing nga sakpoc, wotamelen, laki nga aniang kambac kambac sacsac amma korucaniang negenni fede.

Bangec kisiu 14:1

Ifi degec tofocnac imohai ngichabu hafoangoc yeni uba udumengngina miacma arohomumunggema tofocnac hafoangoc kiacgec.

Bangec kisiu 14:22

Ngic sasawango neac kibikperagina henggec amma Aigitabangecfu nga bangeckisiu negensinggegecdeac faka morora mema edzacngunuba imoc hengkecgec, yenennoc faitobannu fainuma ubaudumennaac kedzac mi kpegec, imoc naso ten ande.

Bangec kisiu 16:13

Ge bangec namu nga hanifosoc wake wakea imohacnac hesicnunuma bangec kisi yomohai homenideac menunuma hanec. Nga imoc negenna wiac mamea anu geng enaratatac mema enaranina yombong annadeac denec.

Bangec kisiu 16:41

Anu ama wereckenu Isracelkpebung hafoangoc yeni Mose nga Aharon yereac modzotitiyoac homac dema yofi edeyurugec, “Ngerennoc Kebuac ngicngacfora yunuhomedaoc.”

Bangec kisiu 17:6

Ifi deu Mose ye Isracelngicngac ifi dema edeyunuu kisic sasawaac enarafocngina mocgu mocgu sasawango yasungina mehama migec imoc kpeturanggeu twelf anec. Nga yasu twelf yeneac botucnginau mong imoc Aharonggac anec.

Bangec kisiu 20:2

Nga imohai doku ngichabu yeneacsoc mong mi feecac yeni Mose nga Aharon yereac ngaba amma yerearu hama kpedzucnegec.

Bangec kisiu 20:3

Kpedzucnema Mose ubakpekpeyoac yofi edegec, “Neni dacmunafocnina yeni Kebuac kicfu homegec isoc homebinggac!

Bangec kisiu 20:4

Ge nocac Kebuac habu neni nga ramaburumakafocnina bangec kisi yomohai homenideac wangecnunu hadang?

Bangec kisiu 21:5

Modzongina tiu Anutu nga Mose yereac ubakpekpeyoac yofi deyecmegec, “Ngeri nocac Aigitabangecfunac bangeckisiu homenideac wangecnunu hadape? Yomohai nenedoku mong mi fede nga yaka neandimbe imocac modzonina tiyombonggede.”

1 Korinti 10:10

Nga ngicngac goa yeneng modzotitiac yoac degec ngickpekpe angerongo hama kpebucyunuec. Nenang siriha imocngoc modzotitiac yoac mi debisina.

Hebiraio 3:16

Negenggec, Mosengo Aigita bangecfunac ngicngac hesicyunuma kenu yeni sasawango Anutuac yoac negemmaguc ine faka hania hania angkecma yoara kpegec.

Yuda 1:16

Yeni yoac homac osoma negeung nga ubakpekpe amma ubasebinginaac songo modacandae. Ifi modacma ngicngac yeni gombunga ayemmegecdeac, yeni sebingina meemma dekerec ayemmeandae.